The news is by your side.

عمران خان کی حفاظت کیلئے فُول پروف سیکیورٹی تعینات

اسلام آباد : سابق وزیر اعظم عمران خان کی فُول پروف سیکیورٹی کے لیے اسلام آباد پولیس کے76سے زائد اہلکارتعینات ہیں۔

اس حوالے سے ترجمان اسلام آباد پولیس نے اپنے بیان میں تفصیلات بیان کی ہیں، ترجمان کا کہنا ہے کہ عمران خان کی سیکیورٹی کیلئے اسلام آباد پولیس کے76سے زائد اہلکارتعینات ہیں۔

ترجمان کے مطابق عمران خان کے ساتھ ایک ایس پی بطور چیف سکیورٹی افسر تعینات ہیں، بنی گالہ کی طرف کسی بھی قسم کا کوئی آپریشن تا حال نہیں ہورہا۔

<p>پولیس کا کہنا تھا کہ ویڈیو کے ذریعے شہریوں میں غلط معلومات پھیلائی جارہی ہیں — فائل فوٹو: ڈان نیوز</p>

ترجمان نے کہا کہ ہماری عوام سے گزارش ہے کہ کسی بھی قسم کے پروپیگنڈے یا جھوٹی خبروں پر دھیان نہ دیں، اسلام آباد کیپٹل پولیس قانون کے تحت تمام اقدامات کرے گی۔

انہوں نے کہا کہ مزید سیکیورٹی کیلئے کسی دوسرے صوبے سے نفری کی ضرورت پڑی تو اس کے لیے باضابطہ درخواست کریں گے۔

ترجمان کا مزید کہنا تھا کہ لوگوں سے درخواست ہے کہ اپنے اردگرد صورتحال پر نظر رکھیں، دہشت گردی سے لاحق خطرات سے نمٹنے کے لیے پولیس کی مدد کریں۔

Comments

یہ بھی پڑھیں