وزیراعظم عمران خان نے احسان مانی کوچیئرمین پی سی بی مقررکردیا Ehsan Mani
The news is by your side.

Advertisement

وزیراعظم عمران خان نے احسان مانی کوچیئرمین پی سی بی نامزد کردیا

اسلام آباد: وزیراعظم عمران خان نے احسان مانی کو پاکستان کرکٹ بورڈ کا نیا چیئرمین نامزدکردیا.

تفصیلات کے مطابق نجم سیٹھی کی جانب سے وزیراعظم کو استعفیٰ ارسال کیے جانے کے کچھ گھنٹے بعد حکومت نے نیا چیئرمین نامزد کر دیا ہے.

عمران خان کی جانب سے یہ عہدہ سابق فرسٹ کلاس کرکٹر احسان مانی کو سونپا گیا ہے.

یاد رہے کہ احسان مانی آئی سی سی میں پاکستان کی نمائندگی کرچکے ہیں، ساتھ ہی وہ تین سال آئی سی سی کےسربراہ اور سال خزانچی رہ چکے ہیں.

وزیر اعظم نے اپنے ٹویٹ میں کہا کہ چیئرمین پی سی بی کی تقرری کے لئےآئینی طریقہ اختیارکیاجائے گا، احسان مانی کوالیکشن لڑکرچیئرمین پی سی بی بنناہوگا۔

وزیراعظم نے اپنے ٹویٹ میں اس فیصلہ کا اعلان کیا. وزیراعظم کی جانب سے احسان مانی کوفیصلے سےآگاہ کردیا گیا ہے.

مزید پڑھیں: نجم سیٹھی نے وزیراعظم عمران خان کو اپنا استعفیٰ ارسال کردیا

یاد رہے کہ کچھ دیر قبل چیئرمین پی سی بی نجم سیٹھی نے عمران خان کو اپنا استعفیٰ ارسال کیا تھا.

اس موقع پر نجم سیٹھی نے اپنے پیغام میں‌ کہا کہ استعفے کے لئے نئے وزیراعظم کے حلف اٹھانے کا انتظارکررہا تھا، اب انھوں نے عہدہ سنبھال لیا ہے، تو استعفیٰ‌ دے رہا ہوں. نجم سیٹھی نے پاکستان کرکٹ بورڈ کے لئے نیک خواہشات کا اظہار کیا تھا.

Comments

comments

یہ بھی پڑھیں