عمران خان کو 10روز تک گرفتار نہ کرنے کا حکم

اسلام آباد : عدالت نے چیئرمین پی ٹی آئی عمران خان کی 10روز تک گرفتاری کرنے سے روکنے اور مقدمات کی تفصیل فراہم کرنے کا حکم دے دیا۔

تفصیلات کے مطابق تحریک انصاف کے چیئرمین عمران خان کیخلاف اسلام آباد ہائی کورٹ میں درج مقدمات کی تفصیلات کی فراہمی اور گرفتاری سے روکنے کی درخواست پر سماعت ہوئی۔

اسلام آباد ہائیکورٹ کے جسٹس میاں گل حسن اورنگزیب نے سماعت کی، عدالت نے تمام مقدمات میں عمران خان کو 10روز تک گرفتار کرنے سے روکنے کا حکم دیتے ہوئے ہدایت دی ہے کہ مقدمات کی تمام تر تفصیلات10روز میں فراہم کی جائیں۔

عدالت نے حکم دیا کہ آئندہ سماعت تک کچہری منتقل ہوگئی تو وہاں پیش ہوں، کچہری نہ منتقل ہونے کی صورت میں جوڈیشل کمپلیکس میں پیش ہوجائیں۔

درخواست کی سماعت کے موقع پر 9مئی کے بعد درج ہونے والے 6مقدمات کی فہرست عدالت میں پیش کردی گئی۔

Comments