دہلی: پاکستانی وزیر اعظم عمران خان کو نوبیل پرائز دینے کا مطالبہ بھارت میں بھی سامنے آگیا.
تفصیلات کے مطابق پاک بھارت کشیدگی میں عمران خان کے مثبت کردار کو جہاں ملکی و بین الاقوامی سطح پر سراہا گیا، وہیں بھارت سے بھی پاکستانی وزیر اعظم کی حمایت میں آوازیں سنائی دینے لگیں۔
سابق بھارتی سول سرونٹ نے نہ صرف وزیر اعظم عمران خان کو امن کا نوبیل انعام دینے کا مطالبہ کیا ہے، بلکہ ڈٹ کر اس کا دفاع بھی کیا.
سرکاری ملازمت چھوڑ کر سیاست کی سمت آنے والے کشمیری نوجوان شاہ فیصل نے اپنے موقف کا معروف بھارتی صحافی برکھادت کے پروگرام میں بھرپور انداز میں دفاع کیا.
مزید پڑھیں: آپ دہشت گرد اکھاڑنے گئے تھے یا درخت؟ سدھو کا مودی سے چھبتا ہوا سوال
شاہ فیصل نے کہا کہ پاکستانی وزیر اعظم عمران خان نے پائلٹ واپس کر کے جو کام کیا، وہ برصغیرمیں کسی نے نہیں کیا، وہ بھی ایسے حالات میں، جب ایٹمی جنگ کا خطرہ تھا۔
شاہ فیصل نے کہا کہ یہ انسانیت اور امن کے لیے اٹھایا جانے والا اقدام تھا، جو قابل تعریف ہے اور اس کی موجودہ حالات میں توقع نہیں کی جارہی تھی.
یاد رہے کہ پاکستان نے بھارتی در اندازی کے مطابق بھارتی پائلٹ کو گرفتار کر لیا تھا، مگر وزیر اعظم نے جذبہ خیر سگالی کے تحت اسے رہا کردیا.
