اسلام آباد: سابق وزیر اعظم اور پاکستان تحریک انصاف کے سربراہ عمران خان کا کہنا ہے کہ کرپشن وہ کینسر ہے جو قوم کو تباہ کر دیتا ہے، بدعنوانی ملک کی ترقی کی راہ میں رکاوٹ ہے۔
تفصیلات کے مطابق سابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ہمارے قائد نے ٹھیک کہا تھا، انفرادی چوری کے مقابلے میں کرپشن کینسر کی طرح ہے۔
عمران خان کا کہنا تھا کہ کرپشن وہ کینسر ہے جو قوم کو تباہ کر دیتا ہے۔
انہوں نے کہا کہ بدعنوانی ملک کی ترقی کو جکڑ لیتی ہے اور کرپشن ملک میں سرمایہ کاری کو آنے سے روکتی ہے خاص طور پر جہاں ملک کی قیادت خود کرپٹ ہے۔
Our Quaid was right. Unlike a theft which is done by individuals, corruption is like a cancer that afflicts a nation & destroys it. It robs a country of development & prevents investment from coming in esp where country’s ldrship is itself corrupt. pic.twitter.com/Pun6uNdvk8
— Imran Khan (@ImranKhanPTI) July 15, 2022
اس سے قبل گزشتہ روز ملتان میں جلسے سے خطاب کرتے ہوئے عمران خان نے کہا تھا کہ غدار وہ ہیں جو ملک کا پیسہ چوری کر کے آف شور اکاؤنٹس میں ڈالتے ہیں۔
انہوں نے کہا تھا کہ جب یہ لوگ اقتدار میں نہیں ہوتے تو اسٹیبلشمنٹ کو برا بھلا کہتے ہیں، جو دشمن ملک کو توڑنا چاہتے ہیں وہ چاہیں گے کہ تحریک انصاف کمزور ہو۔
