پاکستان تحریک انصاف کے سربراہ اور سابق وزیراعظم عمران خان نے سندھی یوم ثقافت کے موقع پر صوبے کے عوام کو خصوصی پیغام دیا ہے۔
سندھ یوم ثقافت کے موقع پر پی ٹی آئی چیئرمین عمران خان نے سماجی رابطوں کی ویب سائٹ ٹوئٹر پر اپنا خصوصی پیغام جاری کیا ہے۔
عمران خان نے اپنے ٹوئٹ میں کہا ہے کہ سندھ صوفیوں اور آزادی کی سرزمین ہے۔ آج ہم سندھ کی شاندار ثقافت اور روایات کا جشن منا رہے ہیں۔
سابق وزیراعظم نے مزید کہا کہ افسوس کہ سندھ زرداری مافیا کے ظلم وستم کا شکار ہے لیکن سندھ اپنی عظمت اور آزادی کے لیے دوبارہ ظلم کے خلاف اٹھے گا۔
Today we celebrate the rich culture & traditions of Sindh going back to the great Indus Valley Civilization. It’s the land of the Sufis & freedom, but sadly, suffering under the tyranny of Zardari mafia. Sindh will rise again against the tyrant to reclaim its greatness & freedom.
— Imran Khan (@ImranKhanPTI) December 4, 2022
واضح رہے کہ سندھ کا یوم ثقافت آج صوبے بھر میں جوش و خروش سے منایا جا رہا ہے اس حوالے سے مختلف سیاسی، سماجی تنظیموں کی جانب سے تقریبات ہوں گی۔
یہ بھی پڑھیں: سندھی یوم ثقافت آج جوش وخروش سے منایا جا رہا ہے
اے آر وائی نیوز کے مطابق سندھ کے یوم ثقافت کے موقع پر مختلف سیاسی، ثقافتی، سرکاری اور غیر سرکاری تنظیموں کی وادی سندھ کی صدیوں پرانی ثقافت کو اجاگر کرنے کے لیے سیمینارز، ریلیوں اور کانفرنسوں کا انعقاد کیا جا رہا ہے۔
