اسلام آباد: چیئرمین تحریک انصاف عمران خان نےبنی گالہ میں زمین اورلندن فلیٹ کےثبوت سپریم کورٹ میں پیش کرنے کااعلان کردیا۔
تفصیلات کےمطابق سماجی رابطے کی ویب سائٹ ٹویٹرپر اپنے پیغام میں پی ٹی آئی چیئرمین عمران خان نے کہاکہ وہ لندن فلیٹ کی خرید وفروخت کی منی ٹریل عدالت عظمیٰ میں پیش کریں گے۔
I will not only show money trail of purchase & sale of London flat & money brought back to Pak before the SC 1/2
— Imran Khan (@ImranKhanPTI) May 10, 2017
عمران خان نے اپنی ایک اورٹویٹ میں کہاکہ سپریم کورٹ میں بنی گالہ ہاؤس پلان تعمیر سے پہلے مورا نور یونین کونسل نے منظورکیا اس کے ثبوت بھی پیش کروں گا۔
2/2 I will also show before SC proof that I had my Bani Gala house plans approved by Union Council of Mora Noor before starting construction
— Imran Khan (@ImranKhanPTI) May 10, 2017
تحریک انصاف کےسربراہ عمران خان کا کہناتھاکہ لندن فلیٹ اور بنی گالہ ہاؤس کیسز میں قطری خط کی طرح ڈرامہ نہیں ہوگا۔
And in both London flat & Bani Gala house cases it won’t be a Qatari letter drama! https://t.co/1n9VfYhIV2
— Imran Khan (@ImranKhanPTI) May 10, 2017
بنی گالہ غیر قانونی تعمیرات: عمران خان کی رہائش گاہ بھی شامل
یاد رہےکہ گزشتہ روزسی ڈی اے نے بنی گالہ میں غیر قانونی تعمیرات کے حوالے سے رپورٹ سپریم کورٹ میں جمع کرائی تھی جس میں عمران خان کی رہائش گاہ کو بھی غیرقانونی قرار دیا گیا ہے۔
واضح رہے کہ تحریک انصاف کے چیئرمین عمران خان نےگزشتہ دنوں چیف جسٹس آف پاکستان جسٹس ثاقب نثار کو بنی گالہ میں غیر قانونی تعمیرات کے حوالے سے خط تحریر کیا تھا جس کا نوٹس لیتے ہوئے جسٹس ثاقب نثار نے سی ڈی اے سے تفصیلی جواب طلب کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
