The news is by your side.

Advertisement

امریکا میں چوروں نے انسانی سروں سے بھرا ہوا ڈبہ چرا لیا

واشنگٹن : امریکا میں کوریئر کمپنی کی وین سے چوروں نے انسانی سروں سے بھرا ہوا صندوق چوری کرلیا۔

غیر ملکی میڈیا کے مطابق امریکی ریاست کولوراڈو کے شہر ڈینور میں انسانی سر چوری ہونے کا واقعہ پیش آیا، جو طبی تدریس اور تحقیق کےلیے دوسرے مقام پر بھیجے جارہے تھے۔

انسانی سر ڈینور سینٹرل پارک کے اطراف میں کھڑی وین سے صبح 11 بجے کے قریب چوری ہوئے، چوروں نے بہت صفائی اور چالاکی سے انسانی سروں سے بھرا صندوق وین سے نکالا اور ہاتھ گاڑی (ڈولی کارٹ) پر رکھ کر اطمینان سے فرار ہوگئے۔

پولیس نے چوری کا مقدمہ درج کرکے چوروں کی تلاش شروع کردی ہے تاہم ابھی تک کوئی کامیابی حاصل نہیں ہوئی ہے۔

میڈیا رپورٹ میں کہا گیا ہے کہ سائنس کیئر کے صدردفاتر بھی ڈینور میں ہی واقع ہیں۔ اس کے مرکز سے 16 کلومیٹر دوری چوریکا واقعہ پیش آیا ہے۔ اس واردات سے کئی سوالات سامنے آئے ہیں۔ یعنی کہ کل کتنے انسانی سر تھے؟ ٹرک اس طرح کیوں روکا گیا؟ ڈرائیور نے اسے اتنی دیر روکےکیوں رکھا اور کیا چور جانتے تھے کہ وہ کیا شے چرارہے ہیں؟

Comments

یہ بھی پڑھیں