تھرپارکر: سندھ کے ضلع تھرپارکر کی تحصیل چھاچھرو میں وڈیرے کی استاد کو نکال کر اسکول کو تالےلگانےکی کوشش کی ویڈیو سامنے آئی ہے۔
تفصیلات کے مطابق علاقہ مکین کا کہنا ہے کہ وڈیرے نے کئی سال سے اسکول کی عمارت کو ڈیرہ بنا رکھا ہے، تاہم اب گاؤں کھاریو میں پرائمری اسکول میں 10 سال بعد ٹیچر کا تقرر کیا گیا تھا، استاد جیسے ہی تقرری کا آرڈر لیکر اسکول پہنچے تو وڈیرہ برہم ہوگیا۔
استاد کی جانب سے واقعےکی بنائی گئی ویڈیو سامنے آگئی ہے، جس میں دیکھا گیا کہ وڈیرے نے ٹیچر کو دھمکیاں دی اوربچوں کو اسکول سے نکال دیا جس کے بعد اس واقعے کے خلاف استاد اور طلبہ نے اسکول کے سامنے احتجاج کیا گیا۔