نئی دہلی : بھارتی بندروں نے سالگرہ کے کیک بھی چوری کرنا شروع کردئیے، بندر کی اس حرکت پر متاثرہ فمیلی بھی حیران رہ گئی۔
غیر ملکی خبر رساں ادارے کی رپورٹ کے مطابق چوری کی یہ حیران کن واردات بھارتی جنگلات میں پیش آئی جہاں ایک فیملی سالگرہ منارہی تھی کہ اچانک ایک بندر نے انہیں سالگرہ کا تحفہ دے دیا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک خاتون سالگرہ مبارک ہو کا گانا گارہی ہے جبکہ ایک شخص پتھر پر رکھا ہوا کیک کاٹ رہا ہے۔
ابھی بھارتی شہری نے کیک کاٹا ہی تھا کہ اچانک ایک بندر نے شہریوں کی ناک کے نیچے سے کیک چوری کیا اور آناً فاناً درخت پر چڑھ گیا۔
بندر کی اس حرکت پر سالگرہ منانے والی فیملی حیرت زدہ رہ گئی۔
غیر ملکی میڈیا کا کہنا ہے کہ واقعے کی ویڈیو سوشل میڈیا پر جاری ہوئی تو دیکھتے ہی دیکھتے وائرل ہوگئی، ویڈیو کو اب تک تین سو مرتبہ ری ٹوئٹ کیا جاچکا ہے جبکہ 1800 صارفین نے ویڈیو کو پسند کیا ہے۔
