کراچی: سرجانی ٹاؤن سیکٹر 10 میں شوہر نے مبینہ طور پر بیوی بچوں کو زہر دے دیا جس کے باعث 2 سالہ بچی جاں بحق ہوگئی۔
اے آر وائی نیوز کے مطابق کراچی کے علاقے سرجانی ٹاؤن سیکٹر 10 میں یہ واقعی پیش آیا ہے، جہاں اظہر نامی شخص نے مبینہ طور پر حالات سے تنگ آکر انتہائی قدم اٹھایا ہے، ملزم نے اپنی بیوی اور 2 بچیوں کو زہر دیا اور پھر خودسوزی کی کوشش بھی کی۔
ریسکیو ذرائع کے مطابق ملزم نے نیلا طوطا نامی زہر دیا ہے جس سے 2 سالہ بچی جاں حق جبکہ 3 افراد میاں بیوی اور ایک بیٹی کو اسپتال میں طبی امداد سی جارہی ہے۔
- Advertisement -
اس حوالے سے پڑوسی نے اسپتال انتظامیہ کو بتایا کہ کام نہ ملنے کی وجہ سے ملزم اظہر بے روزگار تھا۔
پڑوسی کا کہنا تھا کہ متاثرہ خاندان کرائے کے مکان میں رہائش پذیر تھا، اظہر فیکٹری میں کام کرتا تھا جہاں سے نکال دیا گیا تھا۔