ملک بھر میں آوارہ کتوں کے کاٹنے کے واقعات میں اضافہ ہوگیا، گزشتہ ایک ہفتے میں کتوں کے کاٹنے کے 2562 کیسز رپورٹ ہوئے۔
ذرائع قومی اداری صحت (این آئی ایچ ) کے مطابق گزشتہ ہفتے کتے کے کاٹنے کے 2562 کیسز رپورٹ اور سب سے زیادہ 2186 کیسز سندھ سے رپورٹ ہوئے ہیں۔
ذرائع کا بتانا ہے کہ پنجاب حکومت نے کیسز کا ڈیٹا فراہم نہیں کیا اس کے علاوہ گزشتہ ہفتے خیبر پختونخوا میں 244 افراد، بلوچستان میں 95 شہری، آزادکشمیر میں 36، گلگت بلتستان میں ایک شہری کو کتے نے کاٹا ہے جبکہ اسلام آباد میں گزشتہ ہفتے سگ گزیدگی کا کوئی کیس رپورٹ نہیں ہوا۔
این آئی ایچ کی رپورٹ کے مطابق سندھ میں کتے کاٹے کے سب سے زیادہ 289 کیسز دادو سے رپورٹ ہوئی جبکہ کشمور میں 275، گھوٹکی 226 افراد، جیکب آباد میں 146، حیدر آباد 40، قمبر میں 126، خیرپور 154 افراد سگ گزیدگی کا شکار ہوئے۔
زرائع این آئی ایچ نے بتایا کہ گزشتہ ہفتے کراچی ویسٹ میں 174 شہری آوارہ کتوں کا نشانہ بنے، جبکہ کراچی ملیر 23، کراچی ایسٹ 13 اور کراچی سنٹرل میں ایک شہری آوارہ کتوں کا نشانہ بنا۔
