کراچی : شہر قائد میں چند روز کے دوران 4 کم عمر بچیوں کو زیادتی کے بعد قتل کردیا گیا تاہم پولیس نے ملزمان کو گرفتار کرلیا ہے۔
تفصیلات کے مطابق کراچی میں کم عمر بچیوں کو زیادتی کے بعد قتل کرنے کے کیسز میں اضافہ ہورہا ہے۔
چند روز کے دوران 4 کم عمر بچیوں کو زیادتی کے بعد قتل کیا گیا ، گزشتہ روز گلشن معمارپولیس چوکی کے قریب 6 سالہ بچی کو زیادتی کے بعد قتل کیا ، پولیس نے زیادتی میں ملوث نشہ کے عادی شخص کو حراست میں لے لیا ہے۔
8دسمبر کو مبینہ ٹاؤن میں ملزم عرفان نے 13 سالہ بچی کو زیادتی کےبعد قتل کیا، پولیس نے ملزم کو گرفتار کرلیا ، جس سے کیخلاف پولیس کی تفتیش جاری ہے۔
اس سے قبل 7نومبر کو لائنز ایریا میں چچا نے 12 سالہ بچی کو زیادتی کا نشانہ بنایا ، پولیس نے قتل کیس میں نامز ملزم نجیب کو گرفتار کرلیا تھا۔
اس کے علاوہ قائدآباد اسپتال چورنگی کے قریب گزشتہ ماہ لڑکی کو زیادتی کا نشانہ بنایا گیا تاہم ملزم قتل کے بعد فرار ہوگیا تھا ، جس پر اہلخانہ نے پولیس کیخلاف احتجاج کیا تھا۔
