حکومت کاروباری خواتین کے مسائل حل کرے: اسلام آباد ویمن چیمبر آف کامرس
The news is by your side.

Advertisement

حکومت کاروباری خواتین کے مسائل حل کرے: اسلام آباد ویمن چیمبر آف کامرس

اسلام آباد: کاروباری خواتین نے وزیر اعظم عمران خان سے مطالبہ کیا ہے کہ حکومت ملکی ترقی کی رفتار بڑھانے کے لیے ان کے مسائل کے حل کو اپنی ترجیحات میں شامل کریں اور ان کے لیے مواقع میں اضافہ کرے۔

تفصیلات کے مطابق ان خیالات کا اظہار مختلف کاروبار سے وابستہ خواتین نے اسلام آباد ویمن چیمبر آف کامرس اینڈ انڈسٹری کے زیر اہتمام ایک ورکشاپ کے دوران کیا۔

انہوں نے کہا کہ معاشی خود کفالت خواتین کے مسائل کا حل ہے مگر اس سلسلہ میں انھیں مشکلات کا سامنا کرنا پڑتا ہے۔

کاروباری خواتین کا کہنا تھا کہ معاشی جدوجہد کرنے والی تاجر خواتین کو پی ٹی آئی کی حکومت سے بڑی توقعات وابستہ ہیں۔

ان کا کہنا تھا کہ سابقہ حکومتوں نے دعوے تو بہت کیے مگر عملی طور پر ان کے اقدامات ناکافی تھے۔

اس موقع پر چیمبر کی کنسلٹنٹ سارہ انصاری کا کہنا تھا کہ اعلیٰ تعلیم یافتہ خواتین کی اکثریت اپنی صلاحیتوں کو ملکی ترقی یا معاشرے کی فلاح کے لیے استعمال نہیں کر پاتیں جس سے ان کی سالہا سال کی محنت ضائع ہو جاتی ہے۔

ان کا مزید کہنا تھا کہ حکومت سرکاری اور نجی شعبوں کو خواتین سے یکساں سلوک کا پابند بنائے اور ان کے لیے متعلقہ قوانین میں نرمی لائی جائے۔

Comments

comments

یہ بھی پڑھیں