تلنگانہ: بھارتی ریاست تلنگانہ میں انتخابی مہم کے دوران حملہ آور نے ایک رکن پارلیمںٹ پربھاکر ریڈی کے پیٹ میں چاقو گھونپ دیا، جس سے وہ شدید زخمی ہو گئے۔
بھارتی میڈیا رپورٹس کے مطابق تلنگانہ اسمبلی کے انتخابات کے سلسلے میں مہم کے دوران پیر کو دولت آباد ڈویژن کے گاؤں سرمپلی میں اُس وقت اچانک ایک حملہ آور نے کوٹھا پربھاکر ریڈی کے پیٹ میں چاقو گھونپ دیا جب وہ ایک گھر سے باہر نکل رہے تھے۔
پربھاکر ریڈی کا تعلق ’بھارت راشٹر سمیتی‘ (بی آر ایس) سے ہے، حملے میں ریڈی زخمی ہو گئے جس پر انھیں فوری طور پر گجویل اسپتال پہنچایا گیا، اور بعد ازاں انھیں حیدرآباد منتقل کیا گیا، جہاں ان کی حالت خطرے سے باہر بتائی جا رہی ہے۔
STORY | BRS leader Kotha Prabhakar Reddy was allegedly stabbed by an unidentified man during a poll campaign in Surampalli village in Andhra Pradesh. His supporters, who were present, caught hold of the purported accused and thrashed him.
READ: https://t.co/BppYWyfuhm
VIDEO: pic.twitter.com/x7izKJwQ0J
— Press Trust of India (@PTI_News) October 30, 2023
#WATCH | Telangana: BRS MP Kotha Prabhakar Reddy was stabbed in the stomach by an unidentified person during his campaign in Siddipet.
MP Kotha Prabhakar Reddy is safe. The incident took place in Surampally village of the Daulatabad mandal. He has been shifted to Gajwel. The… pic.twitter.com/MI0BvbFxDJ
— ANI (@ANI) October 30, 2023
حملے کے بعد جائے وقوعہ پر افرا تفری مچ گئی تھی، تاہم رکن پارلیمنٹ کے حامیوں نے حملہ آور کو پکڑ لیا اور اسے تشدد کا نشانہ بنانے کے بعد پولیس کے حوالے کر دیا۔ پولیس حکام کا کہنا ہے کہ حملہ آور کی شناخت راجو کے نام سے ہوئی ہے۔ تاہم حملے کے پیچھے موجود مقصد کا فوری طور پر پتا نہیں چل سکا ہے، پولیس حملہ آور سے پوچھ گچھ کر رہی ہے۔
ریاست تلنگانہ کی گورنر ڈاکٹر تملسائی سوندریہ راجن نے واقعے پر رد عمل میں کہا کہ جمہوریت میں تشدد کی کوئی جگہ نہیں ہے اور ایسے واقعات جمہوریت کے لیے خطرہ ہیں۔