نئی دہلی: بھارت نے افغانستان سے اپنا سفیر اور عملہ فوری واپس بلانے کا اعلان کردیا ،بھارتی وزارت خارجہ کا کہنا ہے کہ موجودہ صورتحال کےپیش نظرسفیرکی واپسی کافیصلہ کیاگیا ہے۔
تفصیلات کے مطابق کابل پر طالبان کے کنٹرول کے بعد بھارت نے افغانستان سے اپنا سفیر اور عملہ فوری واپس بلانے کا اعلان کردیا ہے ، اس حوالے سے بھارتی وزارت خارجہ کا کہنا ہے کہ کابل سےبھارتی سفیراورعملہ فوری بھارت منتقل ہوگا، موجودہ صورتحال کےپیش نظرسفیرکی واپسی کافیصلہ کیاگیا۔
بھارتی میڈیا کے مطابق بھارتی ایئر فورس کا طیارہ 120 رکنی بھارتی سفارتی عملے کو لے کر کابل سے روانہ ہوا۔
یاد رہے ترجمان افغان طالبان سہیل شاہین کا کہنا تھا کہ بھارت کا رونا دھونا بے سود ہے، بھارت کا رونا دھونا کرپٹ افغان حکومت ختم ہونے پر ہے لیکن اب بھارت کو افغان عوام کی بنائی گئی حکومت کو تسلیم کرنا چاہیے، تمام ممالک کے ساتھ اچھے تعلقات چاہتے ہیں۔
خیال رہے کابل فتح ہونے کے بعد طالبان نے تمام سرکاری تنصیبات اپنے کنٹرول میں لے لی ہیں، اور شہر میں گاڑیوں میں گشت کیا جا رہا ہے۔
