The news is by your side.

Advertisement

پاکستانی قیدی: بھارتی پائلٹ پاک فوج کا شکر گزار

راولپنڈی: بھارتی پائلٹ ابھی نندن نے کہا ہے کہ  پاک فوج کا رویہ پیشہ وارانہ اور متاثر کن ہے ہماری فوج کو ایسا رویہ اپنانا چاہیے۔

تفصیلات کے مطابق پاکستان کی فضائی حدود کی خلاف ورزی کی صورت میں زندہ گرفتار ہونے والے بھارتی پائلٹ ابھی نندن کے ساتھ پاکستانی حکام اچھے رویے سے پیش آئے جس کا اُس نے خود بھی اعتراف کیا۔

بھارتی پائلٹ کی ایک ویڈیو ریلیز کی گئی جس میں دیکھا جاسکتا ہے کہ اُس کے چہرے پر سکون اور ہاتھ میں چائے کا کپ ہے۔

اس موقع پر ابھی نندن سے سوال پوچھا گیا کہ وہ کون سا طیارہ اڑا رہا تھا تو اُس نے معذرت کرتے ہوئے جواب دینے سے گریز کیا۔ بھارتی پائلٹ کا کہنا تھا کہ مجھے یقین ہے طیارےکی معلومات آپ کوریکارڈسےمل جائیگی۔

پائلٹ نے بتایا کہ وہ جنوب بھارت کا رہنے والا اور شادی شدہ ہے۔ ابھی نندن نے پاک فوج کے کردار اور رویے کو پیشہ وارانہ اور متاثر کن قرار دیتے ہوئے اپنی فوج کو مشورہ دیا کہ ہمیں بھی یہی رویہ اپنانا چاہیے۔

ابھی نندن کا کہنا تھا کہ پاکستانی افسران کا رویہ انتہائی متاثر کن ہے، پاک فوج کے جوانوں نے ہجوم سے میری جان بچائی جس پر میں کپتان سے لے کر ہر محافظ کا شکریہ ادا کرتا ہوں۔

مزید پڑھیں: پاک فوج  نے بھارتی پائلٹ کو میڈیا کے سامنے پیش کردیا

اس موقع پر پاکستانی حکام کی جانب سے ابھی نندن سے چائے سے متعلق پوچھا گیا تو اُس نے بولا چائے بہت اچھی ہے۔

دوسری جانب ڈی جی آئی ایس پی آر نے وضاحت کی ہے کہ پاکستان کی قید میں صرف ایک بھارتی پائلٹ ہے جبکہ پاکستانی حکام نے بھی جنگی قیدی بننے والے بھارتی افسر کو تمام سہولیات فراہم کرنے کی یقین دہانی کرائی۔

یاد رہے کہ پاک فضائیہ کے شیردل جوانوں نے پاکستانی حدود کی خلاف ورزی کرنے والے دو بھارتی جہازوں کو تباہ کردیا تھا جس کے نتیجے میں ایک بھارتی پائلٹ زندہ گرفتار ہوا تھا۔

قبل ازیں ڈی جی آئی ایس پی آر میجر جنرل آصف غفور  آج صبح گرائے جانے والے دو بھارتی جہازوں کے واقعے پر پریس کانفرنس کررہے تھے، جس کے دوران انہوں نے  بھارتی  پائلٹ کی ویڈیو شیئر کی۔

ویڈیو میں دیکھا جاسکتا ہے کہ بھارتی ایئر فورس کے یونی فارم میں ملوث بھارتی فضائیہ کا افسر  خود اعتراف کررہا ہے کہ وہ بھارتی ایئر فورس کا ونگ کمانڈر ہے۔ ویڈیو میں اس نے اپنا نام  اوی نندن بتا یا ہے اور اپنا سروس نمبر 27981 بتایا ہے۔

یہ بھی پڑھیں: بھارتی طیاروں کو تباہ کرنے والا پاک فضائیہ کا ہیرو

یہ بھی یاد رہے کہ بھارتی میڈیا کی جانب سے پروپیگنڈا کیاجارہا ہے کہ  ان کی فضائیہ نے پاکستان کا ایف 16 طیارہ مار گرایا ہے تاہم ابھی تک ان کی طرف سے کوئی ثبوت پیش نہیں کیا جاسکا ہے۔

دوسری جانب پاکستان نے اپنی حدود میں گرنے والے طیارے کی تصاویر، بھارتی  پائلٹ اور اس سے ملنے والی دستاویزات مقامی اور عالمی میڈیا  کے سامنے پیش کردیں۔

میجر جنرل آصف غفور کا کہنا تھا کہ صورتحال کی وجہ سے ایئر اسپیس بند ہے، پاکستان نے اپنے دفاع میں جواب دیا ہے، پاکستان ہمسایوں سمیت خطے میں امن چاہتا ہے، جارحیت کی گئی یا جنگ مسلط کی گئی بھرپور جواب دینے کی صلاحیت ہے۔

انھوں نے بتایا کہ پاک فضائیہ کےخصوصی آپریشن کی ویڈیوکچھ دیرمیں جاری کریں گے، زخمی بھارتی پائلٹ کیساتھ مہذب قوم کی طرح سلوک کیا اور اس کا سی ایم ایچ میں علاج جاری ہے۔

Comments

comments

یہ بھی پڑھیں