The news is by your side.

Advertisement

نوجوت سنگھ سدھو کرتارپور پہنچ گئے

بھارتی حکومت نے نوجوت سنگھ سدھو کو واہگہ بارڈر ‌پر روک لیا

نئی دہلی  : سابق بھارتی کرکٹر نوجوت سنگھ سدھو کرتارپور پہنچ گئے، بھارتی حکومت نے نوجوت سنگھ سدھوکو بذریعہ واہگہ بارڈر پاکستان آنے سے روک دیا تھا۔

تفصیلات کے مطابق سابق بھارتی کرکٹر نوجوت سنگھ سدھو راہداری کے ذریعے کرتارپور پہنچ گئے، بھارتی حکومت نے سابق بھارتی کرکٹر اور سیاستدان نوجوت سنگھ سدھو کو واہگہ بارڈر کے ذریعے پاکستان آنے سے روک دیا تھا ، اب نوجوت سنگھ سدھو کرتارپورراہداری سے پاکستان آنے کی کوشش کریں گے۔

گذشتہ روز  نوجوت سنگھ سدھو کا سینیٹر فیصل جاوید سے ٹیلیفونک رابطہ ہوا تھا ، فیصل جاوید کا کہنا تھا کہ نوجوت سنگھ تقریب میں شرکت کیلئے پاکستان آئیں گے، وہ افتتاحی تقریب میں شرکت کیلئے پرجوش ہیں۔

یاد رہے سابق بھارتی کرکٹر نوجوت سنگھ سدھو نے کرتارپور راہداری افتتاح کی تقریب میں شرکت کی اجازت کے لیے بھارتی حکومت کو 3 خط لکھے تھے، جس کے بعد انہیں بھارتی وزیر خارجہ کی جانب سے کرتارپور افتتاحی تقریب میں شرکت کی اجازت مل گئی تھی۔

مزید پڑھیں :  نوجوت سنگھ سدھو کو پاکستان آنے کی اجازت مل گئی

خیال رہے وزیراعظم عمران خان نے نوجوت سنگھ سدھو کو افتتاحی تقریب میں شرکت کی دعوت دی تھی ، جس پر نوجوت سنگھ سدھو نے خوشی کا اظہار کرتے ہوئے پاکستان آنے کی دعوت قبول کرلی تھی۔

نوجوت سدھو کا کہنا تھا کہ 9 نومبرکی تقریب میں شرکت کی سعادت حاصل کروں گا، حلف برداری پر محبت اور مہمان نوازی کا لطف کبھی بھلا نہ پاؤں گا۔

واضح رہے کہ حکومت پاکستان بابا گرونانک کے 550ویں یوم پیدائش کے موقع پر کرتارپور راہداری کھولنے کے لیے پُرعزم ہے، وزیراعظم عمران خان آج کرتارپور راہداری کا افتتاح کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

fb-share-icon0
Tweet 20

Comments

comments

یہ بھی پڑھیں