کھٹمنڈو / نئی: سماجی رابطے کی ویب سائٹ پر یہ خبر زیر گردش تھی کہ نیپال نے سرحدی حدود کی خلاف ورزی پر بھارتی فضائیہ کے طیارے کو مار گرایا جس کے نتیجے میں دو پائلٹ ہلاک ہوگئے۔
سماجی رابطے کی ویب سائٹ پر ارمک اڈویا نامی صارف نے فضا میں نشانہ بنائے گئے جنگی طیارے اور زمین پر گرے ملبے کی تصاویر شیئر کی۔
انہوں نے لکھا کہ آج بھارتی فضائیہ نے ایئراسٹرائیک کرنے کے لیے نیپال کی سرحدی حدود میں داخل ہونے کی کوشش کی۔ بھارت کوٹ کھرک سنگھ پیرناوان کے مقام پر حملہ کرنا چاہتا تھا۔ ارمک اوڈیا نے لکھا کہ یہ مقام بھارت اور نیپال کی سرحد کے درمیان میں ہے۔
Indian airforce had crossed the border to conduct airstrike on the Nepal territories today.
India conducted an airstrike in Kot Kharak Singh Pernawan near India Nepal border.
In responding, we’ve shot down Indian jet & two Indian pilots killed. pic.twitter.com/o1MZyqZyjM
— Irmak Idoya इरमक ईड्या🇳🇵 (@Irmaknepal) July 23, 2020
ارمک کے مطابق نیپال کی فوج نے سرحدی حدود کی خلاف ورزی کرنے والے طیارے کو نشانہ بنایا جس کے نتیجے میں وہ تباہ ہوگیا اور اُس میں سوار دو پائلٹ ہلاک ہوگئے۔
ارمک کی اس پوسٹ کے مطابق صارفین نے مذکورہ تصاویر سماجی رابطے کی ویب سائٹ پر شیئر کیں۔ یاد رہے کہ انٹرنیٹ پر غیر مصدقہ خبریں شیئر کرنے کا سلسلہ کوئی نیا نہیں ہے، اسی وجہ سے سوشل میڈیا کمپنیز نے مختلف پالیسیاں متعارف کرائی ہیں۔
فیکٹ چیک
انٹرنیٹ پر شیئر ہونے والی تصاویر دراصل لیبیا میں تباہ ہونے والے جنگی طیارے میریگ 2000 کی ہے جو ایک برس قبل بنگلور میں ہال ایئرپورٹ کے قریب گر کر تباہ ہوا تھا۔
علاوہ ازیں بھارتی حکومت نے بھی وضاحت کی ہے کہ نیپال کے ساتھ کوئی اس طرح کی جھڑپ ہوئی اور نہ ہی کسی طیارے کو نشانہ بنایا گیا۔
واضح رہے کہ ان دنوں نیپال اور بھارت کے درمیان شدید کشیدگی پائی جاتی ہے، کھٹمنڈو حکومت نے بھارت کی جانب سے پیش کیے گئے نقشے کے بعد مختلف اقدامات کیے اور بھارتی چینلز کی نشریات اپنے ملک میں بند کردی ہیں۔