نئی دہلی: نوکری کی تلاش میں پریشان افراد آسانی سے کسی کے بھی جال میں پھنس کر لاکھوں روپے سے ہاتھ دھو بیٹھتے ہیں کیونکہ ان کی اولین ترجیح ملازمت حاصل کرنا ہوتی ہے۔
بھارتی میڈیا کے مطابق بھارت کے ریاست مدھیہ پردیش میں ایک ایسے شخص کو گرفتار کرلیا گیا جو ملازمت کے لیے پریشان افراد سے فائندہ اٹھاتا تھا۔
مدھیہ پردیش کے ہائی کورٹ میں نوکری کا جھانسہ دے کر لوگوں کو دھوکہ دینے والے شخص کو عدالت نے 110 سال کی سزا سنائی ہے، یہ واقعہ بھارت کے شہر بھوپال کے جبل پور میں پیش آیا جہاں پرشوتم نامی شخص نے مدھیہ پردیش ہائی کورٹ میں ملازمتیں فراہم کرنے کا جھانسہ دیتے ہوئے کئی افراد سے فی کس 5 ہزار سے 30 ہزار روپے وصول کیے تھے۔
بھارتی میڈیا کا کہنا ہے کہ پرشوتم نے مدھیہ پردیش ہائی کورٹ کے نام سے نقلی تقررات نامے بھی تیار کیے ہوئے تھے۔
نوکریوں کا جھانسہ دیکر لاکھوں روپے لوٹنے والا گروہ پکڑا گیا
رپورٹ میں کہا گیا کہ جب امیدواروں کو اس جعلی نوکوری کا علم ہوا تو انہوں نے پولیس سے رجوع کیا، اس معاملے میں پولیس نے مقدمہ درج کر کے ملزم کو گرفتار کرلیا تھا۔
رپورٹ کے مطابق یہ معاملہ بھارت کے جبل پور سیشن کورٹ میں زیر التوا تھا عدالت نے ملزم کو مجرم قرار دیتے ہوئے 110سال کی سزا سنائی اور جرمانہ عائد کیا۔
