site
stats
عالمی خبریں

آئی سی سی چمیئنر ٹرافی، بھارتی پولیس شکست پرباؤلر کا مذاق بنانے لگی

ممبئی: آئی سی سی چیمئنز ٹرافی کے فائنل کی شکست بھارت پر ابھی تک سوار ہے، جے پور کی ٹریفک پولیس نے شکست کا ذمہ دار فاسٹ باؤلر جسپرت بمراہ کو قرار دے دیا۔

تفصیلات کے مطابق آئی سی سی چمیئنر ٹرافی کے فائنل میں پاکستانی اوپنر فخر زمان بمراہ کی بال پر آؤٹ ہوئے تو تھرڈ امپائر ریویو لیا گیا جس دیکھ کر معلوم ہوا کہ باؤلر نے نو بال کروائی ہے اور اس طرح پاکستانی بلے باز کو ناٹ آوٹ قرار دیا گیا۔

فخر زمان نے ناٹ آؤٹ کا فائدہ اٹھاتے ہوئے شاندار اننگز کھیلے اور سنچری اسکور کی جس کی بدولت پاکستان نے اپنے روایتی حریف بھارت کو فتح کے لیے مقررہ 50 اوورز میں 329 رنز کا ہدف دیا تھا۔

بھارتی ٹیم جواب میں زیاد متاثر کن بیٹنگ نہ کرسکی اور اُسے پاکستان نے 180 رنز سےعبرتناک شکست دے کر ٹرافی اپنے نام کی، اس شکست کے بعد بھارتی شائقین اپنے کھلاڑیوں پر کافی ناراض نظر آئے اور انہوں نے اپنے ہی سپر اسٹارز کی تصاویر نذر آتش کر ڈالی۔

کرکٹ کے جنونی بھارتی مداحوں نے اس شکست کا ذمہ دار جہاں پوری ٹیم کو قرار دیا وہی بمراہ کی نو بال پر بھی کافی طنز کیے، اسی بات کو مدنظر رکھتے ہوئے بھارتی ریاست راجھستان کے دارالحکومت میں ٹریفک پولیس نے سڑک پر ایک اشتہار آویزاں کردیا۔

پولیس کی جانب سےآویزاں کیے گئے اشتہار میں ایک طرف بمراہ کی نوبال والی تصویر ہے اور دوسری طرف زیبرا کراسنگ کی لائن سے پیچھے گاڑیاں کھڑی دکھائی دے رہی ہیں۔ ان تصاویر سے یہ پیغام دینے کی کوشش کی گئی ہے کہ اگر آپ لائن کو عبور کریں گے تو ایسے شرمناک شکست کو خود دعوت دیں گے۔

بنیر پر واضح الفاظ میں لکھا گیا ہے کہ ’’لائن عبور نہ کریں کیونکہ یہ بہت مہنگا پڑ سکتا ہے‘‘۔ بھارتی پولیس کا یہ اشتہار سوشل میڈیا کی زینت بن گیا اور کئی لوگوں نے اس تصویر کے ساتھ اپنے اپنے الفاظ میں اظہار خیال کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top