The news is by your side.

Advertisement

بھارتی سپاہی کی اپنے ہی فوجی کیمپ پر فائرنگ، 4 ہلاک 1 زخمی

ممبئی : جنگی جنون میں مبتلا بھارت کے سپاہی نے اپنے ہی کیمپ میں فائرنگ کرکے چار بھارتی فوجوں کو ہلاک اور ایک کو زخمی کردیا ہے جب کہ فائرنگ کرنے والے سپاہی کو گرفتار کرلیا گیا ہے.

تفصیلات کے مطابق فائرنگ کا واقعہ بھارت کے فوجی کیمپ میں پیش آیا جب ایک سیکیورٹی اہلکار نے اپنے ہی فوجی ساتھیوں پر اندھا دھند فائرنگ کردی جس کے نتیجے میں 4 بھارتی فوجی زخمی ہوگئے جنہیں قریبی اسپتال منتقل کیا تاہم اُن میں 3 فوجی طبی امداد کے دوران ہلاک ہوگئے.

بھارتی خبر رساں ایجنسی کے مطابق فائرنگ کا واقعہ ریاست چھتیس گڑھ میں پیش آیا جب سکیورٹی اہلکار نے 168 بٹالین کے کیمپ کے اندر اپنے ساتھیہوں کو گولیوں سے بھون ڈالا تاہم واقعہ کی وجوہات کا تاحال علم نہیں ہوسکا ہے فائرنگ کرنے والے اہلکار کو گرفتار کر کے تفتیش کے لیے نامعلوم مقام پر منتقل کردیا گیا ہے.

بھارتی فوجی افسران کا کہنا ہے کہ گرفتار اہلکار سے تفتیش کا عمل جاری ہے اور تحقیقات کے لئے ایک ٹیم تشکیل دے دی گئی ہے جس کی رپورٹ کی روشنی میں اہلکار کے خلاف محکمانہ تادیبی کارروائی کی جائے گی اور سنگین جرم کی کڑی سے کڑی سے سزا دی جائے گی.

خیال رہے کہ بھارتی فوج میں نظم و ضبط کے فقدان یا نفسیاتی کے دباؤ کے باعث ہونے والا یہ پہلا واقعہ نہیں ہے بلکہ اس سے قبل بھی کئی اہلکار آپس میں جھگڑ کر ایک دوسرے پر فائرنگ کر چکے ہیں اور حال ہی میں بی ایس ایف کے اہلکار تیج بہادر کی ناقص کھانے اور افسران کے سلوک سے متعلق ویڈیو بھی منظر عام پر آچکی ہے.

Print Friendly, PDF & Email

Comments

comments

یہ بھی پڑھیں