کشمیر پریمئیر لیگ سے خوفزدہ بھارت کا نیا حربہ سامنے آگیا۔
بھارتی کرکٹ بورڈ کو تیر کی آنکھ میں چبھنے والی کشمیر پریمئیر لیگ کو سبوتاژ کرنے کے لیے بین الاقوامی کھلاڑیوں کو دی گئی دھونس اور دھمکیاں ناکام ہوئی تو بی سی سی آئی نے کرکٹ کے عالمی نگراں ادارے سے امیدیں لگا لیں۔
بی سی سی آئی نے کشمیر پریمیئر لیگ کو رکوانے کے لیے انٹرنیشنل کرکٹ کونسل (آئی سی سی) سے رابطہ کر لیا ہے۔ بی سی سی آئی نے آئی سی سی سے کےپی ایل کو تسلیم نہ کرنےکا مطالبہ کیا ہے۔
بھارتی بورڈ غیرملکی کھلاڑیوں کولیگ میں شریک نہ ہونےکیلئےپہلےہی دھمکا چکا ہے۔ بی سی سی آئی نےانگلش اورجنوبی افریقی بورڈکوخط لکھ کرکھلاڑیوں کو روکنے کا کہا تھا بصورت دیگر کھلاڑیوں کے بھارت میں داخلے پر پابندی کی دھمکی دی تھی۔
کشمیر پریمیئر لیگ کا آغاز 6 اگست سے مظفرآباد اسٹیڈیم میں ہونا ہے۔ لیگ ذرائع کا کہنا تھا کہ 6 غیرملکی کھلاڑی کشمیر پریمیئر لیگ سے اچانک دستبردار ہوگئے۔
کھلاڑیوں کو دھمکی دی گئی ہے کہ کشمیر لیگ میں گئے تو بھارت میں گھسنے نہیں دیں گے، کشمیر لیگ کھیلی تو آئندہ بھارت کی کرکٹ نہیں کھیل سکیں گے۔
لیگ ذرائع کا کہنا تھا کہ بھارتی بورڈ کے سی ای او نے انگلش بورڈز کو بھی دھمکایا ہے۔
