The news is by your side.

Advertisement

دنیا بھارت کی ہمسایہ ممالک میں دہشت گردی کرانے کا نوٹس لے، ترجمان دفترخارجہ

اسلام آباد : ترجمان دفتر خارجہ عائشہ فاروقی نے کہا ہے کہ بھارت اپنے رویے سے پاکستان میں دہشت گردی کرانے کی حقیقت نہیں بدل سکتا، عالمی برادری بھارت کی طرف سے ہمسایہ ممالک میں دہشت گردی کرانے کا نوٹس لے۔

اپنے ایک بیان میں پاکستان اسٹاک ایکسچینج پر دہشت گردی حملے کی شدید مذمت کرتے ہوئے ان کا کہنا تھا کہ پاکستان دہشت گرد کارروائیوں میں را کے ملوث ہونے کے شواہد عالمی برادری کو دے چکا ہے۔

انہوں نے کہا کہ بھارتی وزارت خارجہ کی طرف سے کراچی حملے پر بیان حقائق سے نظریں چرانا ہے، بیرونی مدد سے ہونے والا بزدلانہ حملہ پاکستان مخالف ریاستی دہشتگردی کا عکاس ہے۔

ان کا مزید کہنا تھا کہ قانون نافذ کرنے والے اداروں نے فوری جواب سے حملے کو ناکام بنایا، حملے میں ملوث چاروں دہشت گردوں کو ہلاک کردیا گیا جبکہ ہمارے چار پولیس افسران نے جام شہادت نوش کیا۔

مزید پڑھیں : اسٹاک ایکسچینج پرحملہ کسی خفیہ ایجنسی کی مدد کے بغیرممکن نہ تھا ،ڈی جی رینجرز

واضح رہے کہ ڈی جی رینجرز سندھ عمر بخاری نے کہا ہے کہ کسی خفیہ ایجنسی کی مدد کے بغیر یہ حملہ ممکن نہ تھا، اس کی تہہ تک پہنچیں گے، رینجرز، پولیس اور سیکیورٹی نے 8منٹ میں حملہ ناکام بنایا اور دہشت گرد اسٹاک ایکسچینج کی عمارت میں داخل بھی نہیں ہوسکے، حملے کی ذمہ داری کالعدم بی ایل اے نے قبول کرلی ہے۔

fb-share-icon0
Tweet 20

Comments

comments

یہ بھی پڑھیں