کمسن بچے اپنا اور گھر والوں کا پیٹ پالنے کے لیے ٹریفک سنگلز پر چھوٹی موٹی چیزیں بیچتے ہیں جسے دیکھ کر لوگ اکثر لوگ ان کی مدد کرتے ہیں۔
بھارتی ریاست گجرات میں بچے کو زخمی ہونے کے باوجود ٹریفک سگنل پر ’کی چین‘ بیچتے ہوئے دیکھ کر لوگ دنگ رہ گئے ہیں۔
یہ ویڈیو معاشرے میں پسماندہ پس منظر سے تعلق رکھنے والے بچوں کی حالت زار پر روشنی ڈالتی ہے۔
- Advertisement -
ویڈیو میں دیکھا جاسکتا ہے کہ پیر زخمی ہونے کے باوجود بچہ ٹریفک سگنل پر کی چین بیچنے میں مصروف ہیں۔
مذکورہ ویڈڈیو کو اب تک لاکھوں کی تعداد میں صارفین دیکھ چکے ہیں اور کمسن بچے سے ہمدردی کا اظہار کرتے ہوئے کمنٹس بھی کررہے ہیں۔
سوشل میڈیا صارفین کا کہنا ہے کہ اگر بچے کو جلد طبی امداد نہ ملی تو اس کا زخم مزید گہرا ہوسکتا ہے جو جان لیوا بھی ثابت ہوسکتا ہے۔
کئی صارفین بچے کی معلومات طلب کررہے ہیں تاکہ اس کی مدد کرسکیں۔
