کراچی پولیس ہیڈ آفس میں دہشتگردوں سے مقابلہ کس طرح ہوا اسپتال میں زیر علاج رینجرز کے زخمی اہلکاروں نے بتا دیا۔
کراچی پولیس ہیڈ آفس پر جمعے کی شام دہشتگردوں کے حملے میں زخمی رینجرز کے اہلکاروں نے اے آر وائی سے خصوصی بات چیت کرتے ہوئے کے پی او میں دہشتگردوں سے مقابلے کا پورا احوال بیان کر دیا۔
زخمی رینجرز اہلکار نے بتایا کہ ہمیں کراچی پولیس ہیڈ آفس پر دہشتگردوں کے حملے کی اطلاع ہمیں ہیڈ کوارٹر سے ملی۔ ساری فورس تیار تھی، فوری طور پر کراچی پولیس چیف کے دفتر پہنچے اور دیگر فورسز کے اہلکاروں کے ساتھ مل کر دہشتگردوں سے مقابلہ کیا۔
یہ بھی پڑھیں: کراچی پولیس آفس پر حملے کا مقدمہ درج
اہلکار کے مطابق چوتھے فلور پر دہشتگرد کے ساتھ فائرنگ کا تبادلہ کیا۔ ہماری گولیاں بھی دہشتگرد کو لگیں۔ آخری وقت میں خودکش حملہ آور نے خود کو اڑا لیا۔ ہم نے بلٹ پروف جیکٹ پہن رکھی تھی جس کی وجہ سے زیادہ نقصان نہیں پہنچا۔
