The news is by your side.

Advertisement

گستاخانہ خاکے بنانے والا ملعون کارٹونسٹ کار حادثے میں ہلاک

اسٹاک ہوم : گستاخانہ خاکے بنانے والا سوئیڈن کا ملعون کارٹونسٹ لارس ولکس اپنی ہی گاڑی میں جل کر جہنم واصل ہوگیا ہے ولکس کو2007 میں بنائے گئے متنازعہ خاکوں کے بعد سے حکومت نے پولیس کی سیکورٹی دے رکھی تھی۔

امریکی نشریاتی ادارے کے مطابق سوئیڈن کی پولیس نے تصدیق کی ہے کہ 75 سالہ لارس ولکس کار اور ٹرک کے درمیان تصادم کے نتیجے میں ہلاک ہوگیا ہے۔

پولیس کے مطابق حادثہ سوئیڈن کی کرونبرگ کاﺅنٹی کے علاقے مارکرڈ کے قریب اس وقت پیش آیا جب ولکس کی کار مخالف سمت سے آنے والے ٹرک سے جا ٹکرائی۔

حادثے کے نتیجے میں دونوں گاڑیوں میں آگ لگ گئی جس میں ولکس جہنم واصل ہوگیا جبکہ اس کی حفاظت پر مامور دو پولیس اہلکار بھی زندہ جل گئے۔ ٹرک ڈرائیور زخمی حالت میں ہے جسے اسپتال میں طبی امداد دی جا رہی ہے۔

پولیس نے اپنے ایک بیان میں کہا ہے کہ فوری طور پر حادثے کی وجہ معلوم نہیں ہو سکی۔ پولیس ترجمان نے حادثے میں کسی بھی تخریب کاری کے خدشے کے تاثر کی تردید کی ہے۔

ترجمان پولیس نے میڈیا کو بتایا کہ حادثے کی وجوہات جاننے کے لیے تحقیقات کی جا رہی ہیں جب کہ حادثے میں پولیس اہلکاروں کی ہلاکت کی وجہ سے پراسیکیوٹر آفس کے خصوصی سیکشن کو تحقیقات تفویض کی گئی ہیں۔

Comments

یہ بھی پڑھیں