لاہور: نگراں وزیر اطلاعات و نشریات پنجاب عامر میر نے چیئرمین پی ٹی آئی عمران خان کے گھر زمان پارک کی تلاشی سے متعلق وضاحت کر دی۔
سماجی رابطے کی ویب سائٹ ٹوئٹر پر وزیر اطلاعات عامر میر نے بتایا کہ کمشنر لاہور کی سربراہی میں 3 رکنی ٹیم زمان پارک گئی ہے، ٹیم نے ابھی کوئی سرچ آپریشن نہیں کیا۔
عامر میر نے کہا کہ ٹیم نے گھر کی تلاشی کیلیے ایس او پیز طے کرنے ہیں، میڈیا کی جس ٹیم کو دورہ کروایا گیا اسے گھر کے اندر جانے کی اجازت نہیں تھی لہٰذا یہ دعویٰ بے بنیاد ہے کہ گھر کی تلاشی دے دی گئی۔
خیال رہے کہ کمشنر لاہور محمد علی رندھاوا کی سربراہی میں حکومتی زمان پارک پہنچی جہاں گھر کی تلاشی کیلیے چیئرمین پی ٹی آئی عمران خان کے ساتھ مذاکرات ہوئے۔
کمشنر کی سربراہی میں حکومتی ٹیم نے زمان پارک کے اندر کیمپ کا بھی دورہ کیا۔ عمران خان کے وکلا اور میڈیا کے نمائندے بھی اندر موجود ہیں۔
حکومتی ٹیم نے ملاقات میں عمران خان کو سرچ وارنٹ دکھا دیا۔ ڈی آئی جی اور ایس ایس پی آپریشن بھی حکومتی ٹیم کا حصہ ہیں۔ کمشنر نے عمران خان کی سکیورٹی پر تعینات اہلکاروں کی جگہ کا معائنہ کیا۔
سرچ آپریشن میں کتنے اہلکار حصہ لیں گے عمران خان سے کمشنر کی بات چیت جاری ہے۔ اس دوران عمران خان کا کہنا تھا کہ لیگل ٹیم اور میڈیا سرچ آپریشن میں ساتھ ہونا چاہیے اعتراض نہیں۔
کمشنر لاہور کی سربراہی میں سرکاری ٹیم زمان پارک کی تلاشی کیلئے پہنچ گئی! عمران خان کے گھر میں تلاشی کیلئے مذاکرات جاری#ARYNews pic.twitter.com/gxEizf3OA4
— ARY NEWS (@ARYNEWSOFFICIAL) May 19, 2023
