ترکیہ اور شام شدید زلزلے سے لرز اٹھے، 7.9 شدت کے زلزلے سے متعدد عمارتیں زمین بوس ہوگئیں جس کے باعث مجموعی طور پر ہلاکتیں 1400 سے تجاوز کرگئی ہیں۔
شام کے شہر دمشق میں بھی شدید زلزلے کے باعث عمارتیں لرز اٹھیں اور بہت سے لوگ خوفزدہ ہوکر سڑکوں پر نکل آئے۔
زلزلے کے دوران پیغمبرِ اسلام حضرت محمد ﷺ کی پیاری نواسی سیدہ زینبؓ کے مزار کی ویڈیوز بھی سوشل میڈیا پر ہے۔
Shrine of Sayyida Zaynab during the earthquake in Damascus in Syria #earthquake #Syria #Iraq #Turkey #Iran#earthquake #DEPREMOLDU #Turkey pic.twitter.com/J0fhpAp1K4
— Chaudhary Parvez (@ChaudharyParvez) February 6, 2023
اس ویڈیو میں دیکھا جاسکتا ہے کہ بہت خوبصورتی اور محبت سے تعمیر کیا گیا بی بی زینبؓ کا مزار بالکل سلامت ہے اور وہاں موجود لوگ جوکہ زلزلے کے شدید جھٹکے محسوس کرنے کے بعد خوفزدہ ہیں، اللّٰہ تعالیٰ سے دعائیں مانگ رہے ہیں۔
ویڈیو میں زلزلے کے باعث مزار کے اندر بڑے بڑے خوبصورت جھومر کو ہلتے ہوئے دیکھا جاسکتا ہے۔
ترکیہ میں زلزلے کے بعد بلند عمارتیں گرنے کے مناظر نے دل دہلا دیئے، ویڈیو دیکھیں
واضح رہے کہ شام میں زلزلے سے اموات کی مجموعی تعداد 560 ہوگئی ہے اور ترکیہ اور شام میں زلزلے سے اموات کی مجموعی تعداد 1400 سے تجاوز کر گئی ہے۔
