The news is by your side.

Advertisement

غفور حیدری کو 10 ووٹ کم ملنے کی اندرونی کہانی سامنے آگئی

اسلام آباد: پاکستان ڈیمو کریٹک موومنٹ (پی ڈی ایم) کے رہنما عبدالغفور حیدری کو 10 ووٹ کم ملنے کی اندرونی کہانی سامنے آگئی۔

اے آر وائی نیوز کی رپورٹ کے مطابق ذرائع کا کہنا ہے کہ ڈپٹی چیئرمین سینیٹ کی ٹکٹ کے لیے پی ڈی ایم کے اندرونی اختلافات شکست کی وجہ بنے، غفور حیدری کو ٹکٹ دینے پر بلوچستان کی جماعتیں ناراض تھیں۔

ذرائع کا کہنا ہے کہ مولانا غفور حیدری کو ٹکٹ دینے پر سربراہی کمیٹی میں اعتراضات اٹھائے گئے تھے، چھوٹی جماعتوں کا اعتراض تھا کہ ٹکٹوں کی تقسیم تینوں جماعتیں کررہی ہیں۔

ذرائع کے مطابق پی ڈی ایم میں شامل کچھ جماعتیں بھی اپنا حصہ مانگ رہی تھیں، چھوٹی جماعتوں اور بلوچستان کے سینیٹرز کے تحفظات شکست کا سبب بنے۔

مزید پڑھیں: مرزا محمد آفریدی ڈپٹی چیئرمین منتخب

واضح رہے کہ گزشتہ روز حکومتی امیدوار ‏مرزا محمد آفریدی 54 ووٹ لے کر ڈپٹی چیئرمین منتخب ہوئے تھے جب کہ ان کے مدمقابل عبدالغفور حیدری نے 44 ووٹ‌حاصل کیے تھے۔

اس سے قبل تحریک انصاف کے صادق سنجرانی 48 ووٹ لے کر مسلسل دوسری بار چیئرمین سینیٹ منتخب ہوئے تھے ‏جب کہ ‏پاکستان ڈیموکریٹ موومنٹ پی ڈی ایم کے یوسف رضا گیلانی 42 ووٹوں کے ساتھ شکست ‏کھا گئے تھے. ان کے 7 ووٹ مسترد ہوئے تھے۔‏

Comments

یہ بھی پڑھیں