ریاض : سعودی عرب میں پہلے بین الاقوامی سہہ روزہ ایئر شو کا انعقاد آج سے ہوگا، ایئرشو میں دنیا بھر سے750نمائش کنندگان شرکت کریں گے۔

تفصیلات کے مطابق سعودی عرب کے شہر ریاض میں پہلے بین الاقوامی سہہ روزہ ایئر شو کا انعقاد آج بروز منگل سے ہوگا، سعودی ایئر شو12تا14مارچ تک جاری رہے گا۔

مذکورہ ایئرشو اپنی نوعیت کی پہلی ایوی ایشن اور ایئراسپیس نمائش ہے، ایئر شو کا انعقاد التھومامہ ایئرپورٹ ریاض میں کیا جائے گا، نمائش میں چیئرمین سعودی اسپیس اتھارٹی شہزادہ سلطان بن سلمان شریک ہوں گے۔

اس کے علاوہ سعودی ایئرشو میں دنیا بھر سے750نمائش کنندگان اور1500کمپنیوں کے مندوب شرکت کریں گے، ایئرشو کا مقصد کمرشل، بزنس، جنرل ایوی ایشن، ایئرپورٹ انفرا اسٹرکچر کا فروغ ہے۔