لاہور: دنیا کی عظیم ترین ہستی ماں کی عظمت کو خراج تحسین پیش کرنے کے لیے کھیل کی دنیا سے تعلق رکھنے والی شخصیات بھی اپنی ماؤں سے والہانہ محبت کا اظہار کررہی ہیں۔
تفصیلات کے مطابق مدرزڈے کے موقع پر قومی کرکٹرز سماجی رابطے کی ویب سائٹ ٹوئٹر پر ماؤں کی خدمات کی تعریف کرتے ہوئے انہیں خراج تحسین پیش کررہے ہیں۔
قومی ٹی 20 کرکٹ ٹیم کے کپتان بابراعظم نے ٹوئٹر پر لکھا کہ ’والدہ نے مجھے سب سے زیادہ سپورٹ کیا، انہوں نے جمع پونجی سے پہلا بلا خرید کردیا‘۔
Mama Ji,
The first bat I purchased was of 1500 PKR. This was your entire saving but you gave it to me. You believed in me when others didn't. Every inch of mine is indebted to you. I love you so much.
Plz regard your mothers. Heaven lies under her feet. #MothersDay #RiseAndRise pic.twitter.com/ZntIgW9a9m
— Babar Azam (@babarazam258) May 9, 2020
باصلاحیت کھلاڑی عماد وسیم کا کہنا تھا کہ مائیں ہمیشہ خصوصی ہوتی ہیں اور میں ماں کے بغیر اپنی زندگی کا تصور بھی نہیں کرسکتا، دنیا کی تمام ماؤں کو مدرز ڈے پر مبارک باد دیتا ہوں۔
Mothers are always special and I cannot imagine my life without mine. Happy #MothersDay to her and all Mothers around the world 🤲🏼
— Imad Wasim (@simadwasim) May 10, 2020
ماؤں کا عالمی دن: میری شہ رگ پہ میری ماں کی دعا رکھی تھی
اسی طرح حسن علی اور وہاب ریاض نے بھی والدہ کی عظمت کو خراج تحسین پیش کیا۔
آج دنیا بھر میں ماؤں کا عالمی دن منایا جارہا ہے، آج کے دن کا مقصد ماؤں کی عظمت کا اعتراف اور انہیں ادنیٰ سا خراج تحسین پیش کرنا ہے۔ ماؤں کا عالمی دن منانے کی تاریخ بہت قدیم ہے اور اس کا سراغ سب سے پہلے یونانی تہذیب میں ملتا ہے جہاں تمام دیوتاؤں کی ماں گرہیا دیوی کے اعزاز میں یہ دن منایا جاتا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں