ایران نے جوہری پلانٹ سے عالمی ایٹمی توانائی ایجنسی کے کیمرے ہٹا دیے۔
بین الاقوامی میڈیا رپورٹس کے مطابق مغربی طاقتوں کی جانب سے مذمتی قرارداد پیش کیے جانے کے بعد ایران نے عالمی جوہری نگراں ادارے کے نصب شدہ متعدد کیمرے بند کر دیے ہیں۔
ایران کی اٹامک انرجی آرگنائزیشن (AEOI) نے بدھ کے روز اعلان کیا کہ نامعلوم جوہری مقام پر آن لائن افزودگی مانیٹر (OLEM) اور بین الاقوامی جوہری توانائی ایجنسی (IAEA) کے فلو میٹر سسٹم کو بند کر دیا ہے گیا۔
ایرانی آرگنائزیشن کا کہنا ہے کہ بند کیے گئے کیمرے رضاکارانہ نگرانی کے نظام اور عالمی جوہری توانائی کے ساتھ حفاظتی معاہدے کے فریم ورک سے باہر نصب کیے گئے تھے۔
ادارے نے واضح کیا کہ موجودہ IAEA کے 80 فیصد سے زیادہ کیمرے حفاظتی معاہدے کے تحت آتے ہیں اور اسی وجہ سے وہ آپریشنل رہتے ہیں۔
بیان کے مطابق آئی اے ای اے کو اس اقدام کے بارے میں مطلع کر دیا گیا تھا جس پر بدھ کو عمل درآمد کیا گیا۔
