The news is by your side.

Advertisement

انجلینا جولی بننے والی ایرانی لڑکی اصل میں کیسی دکھتی ہے؟ تصویر سامنے آگئی

تہران: انجلینا جولی کا روپ دھارنے کے چکر میں اپنے چہرے سے دنیا بھر کے لوگوں کی ہمدریاں سمیٹنے والی ایرانی لڑکی سحر تابار نے اپنی نئی تصویر شیئر کردی۔

تفصیلات کے مطابق 19 سالہ ایرانی لڑکی کی گزشتہ برس سوشل میڈیا پر خوفناک تصاویر سامنے آئیں تھیں، صارفین کی جانب دعویٰ کیا گیا تھا کہ ’مذکورہ لڑکی انجلینا جولی سے متاثر ہے اور اس نے اداکارہ کی طرح روپ دھارنے کے لیے اپنی شکل پر کچھ تجربات کیے‘۔

سوشل میڈیا پر افواہیں زیر گردش تھیں کہ سحر تابار نےسامنے آکر خود ہی حقیقت سے پردہ چاک کیا اور لوگوں کو بتایا کہ جو باتیں پھیلائی گئیں اُن کی کوئی حقیقت نہیں، مذکورہ تصاویر میک اپ کے بعد لیں جو میں نے خود کیا تھا۔

دنیا بھر سے ہمدردیاں سمیٹ کر سوشل میڈیا اسٹار بننے والی لڑکی نے اپنی حالیہ تصویر شیئر کی اور ساتھ ہی لکھا کہ ’میرا اصل چہرہ ایسا ہے، جس پر میں شکر گزار ہوں‘۔

خیال رہے کہ گزشتہ برس  ایرانی لڑکی نے اپنے آپ کو انجلینا جولی کی سب سے بڑی مداح ثابت کرنے کی عملی طور پر کوشش کی جس کے دوران انہوں نے اپنے چہرے کی 50 سے زائد سرجریاں بھی کروائیں۔

ہالی ووڈ اداکارہ انجیلینا جولی کی ایک ایرانی مداح کی ایسی تصاویر سامنے آئی تھیں کہ جنہیں دیکھ کر حقیقت میں صارفین خوف زدہ ہوگئے تھے البتہ کچھ لوگوں نے دعویٰ کیا تھاکہ یہ سب فوٹو شاپ کے ذریعے کیا گیا۔

بعد ازاں سحر نے اپنی تصاویر پر تنقید کرنے والے لوگوں کو سوشل میڈیا پر جواب دیا، اُن کا کہنا تھا کہ ’لوگوں کی جانب سےتصاویر پر تنقید مجھے بالکل پسند نہیں کیونکہ یہ 18ویں صدی نہیں بلکہ جدید ٹیکنالوجی کی دنیا ہے جس سے عام طور پر لوگ نابلد ہیں‘۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں