ٹی 20 انٹرنیشنل سیریز میں ویسٹ انڈیز کے ہاتھوں عبرتناک شکست کے بعد بھارتی ٹیم کے سابق کھلاڑی عرفان پٹھان کو سوشل میڈیا پر پاکستانی صارفین نے آڑے ہاتھوں لیا۔
بھارتی ٹیم کی شکست پر عرفان پٹھان نے اپنے ایکس پیغام (ٹویٹ) میں ویسٹ انڈیز ٹیم کو سیریز جیتنے پر مبارکباد دی اور لکھا کہ بھارت کو اس شکست پر غور کرنا چاہئے کیونکہ نچلے رینک والی ٹیم سے ہارنا واقعی تشویشناک ہے۔
Congratulations to the West Indies team on a well-deserved series win! Team India must reflect on this defeat, as losing to a lower-ranked team is indeed worrisome. #INDvWI
— Irfan Pathan (@IrfanPathan) August 13, 2023
اس موقع پر پاکستانی کرکٹ شائقین نے بھی بھارتی ٹیم کی پرفارمنس پر کمنٹس میں اپنے خیالات کا اظہار کیا اور ساتھ ہی عرفان پٹھان کو ماضی میں ان کا پاکستان کو دیا گیا ایک طعنہ ’کیسا رہا سنڈے‘ یاد دلا دیا جس کے بعد میمز کا ایک طوفان اُمڈ آیا۔
Begaani Shadi mein Abdulla deewana… #sunday #padosi
— Irfan Pathan (@IrfanPathan) August 14, 2023
عرفان پٹھان جو پہلے ہی غصے سے بھرے بیٹھے تھے ان سے برداشت نہ ہوا اور انہوں نے اس ٹرولنگ کے جواب میں ایک اور طنزیہ ٹوئٹ کر ڈالا جس میں انہوں نے لکھا کہ ’بیگانی شادی میں عبداللہ دیوانہ‘۔ جس کے بعد ٹرولنگ میں مزید شدت آگئی اور صارفین نے ان کو آڑے ہاتھوں لیا۔
SUNDAY IS GETTING ON SOMEONE’s NERVES 😬
Bhai, Aj Monday hai. 😂— Omer Ghani Ghuman (@OmerGhaniGhuman) August 14, 2023
ایک صارف نے عرفان پٹھان کو یہ مشورہ بھی دیا کہ آپ ایک پٹیشن فائل کریں کہ بھارت کے میچز سنڈے کو نہ رکھے جائیں۔ دوسرے نے کہا کہ اتوار کسی کے اعصاب پر سوار ہو رہا ہے بھئی، آج تو پیر ہے۔
No issue. Le lou tissue 😂
BTW Sunday kaisa raha padosiyon?
— Wajahat Kazmi (@KazmiWajahat) August 14, 2023
ایک اور صارف نے طنز کا تیر چلاتے ہوئے لکھا کہ ’نو ایشو لے لو ٹشو‘ بائی دا وے سنڈے کیسا رہا پڑوسیوں؟۔