اسلام آباد: وفاقی دارالحکومت میں احتجاج کرنے والے تمام 290 مظاہرین کو رہا کر دیا گیا۔
تفصیلات کے مطابق ترجمان وزارت داخلہ نے کہا ہے کہ کمیٹی کے مذاکرات اور عدالت کے فیصلے کی روشنی میں احتجاج کرنے والے تمام افراد کو رہا کر دیا گیا ہے۔
ترجمان وزارت داخلہ کے مطابق پولیس تحویل اور جیل سے مجموعی طور پر 290 مظاہرین کو رہا کیا گیا ہے، ترجمان نے کہا پرامن احتجاج ہر کسی کا حق ہے لیکن کسی کو قانون ہاتھ میں لینے کی اجازت نہیں ہے۔
- Advertisement -
ترجمان نے کہا ریڈ زون میں آئینی ادارے اور ڈپلومیٹک انکلیو موجود ہے، اس لیے ریڈ زون کی سیکیورٹی ہر صورت یقینی بنائی جاتی ہے۔ ترجمان کے مطابق اسلام آباد پولیس کی جانب سے خصوصی مدد سینٹر قائم کیا گیا تھا جس نے رہائی کے سلسلے میں کام مکمل کیا۔
