اسلام آباد کے تھانہ شالیمار میں خواجہ سراؤں نے تھانے پر دھاوال بول دیا اور ہنگامہ آرائی کی۔
اے آر وائی نیوز کے مطابق اسلام آباد کے تھانہ شالیمار پولیس نے 9 گداگر خواجہ سراؤں کو گرفتار کیا تو ان کے 13 ساتھی تھانے پہنچے اور ہنگامہ آرائی کی۔
پولیس نے 22 خواجہ سراؤں کے خلاف مقدمہ درج کرلیا ہے۔
- Advertisement -
پولیس کا بتانا ہے کہ اے سی شالیمار نے 9 خواجہ سراؤں کو ایف ٹین مرکز سے گرفتار کیا تھا، خواجہ سراؤں کے 13 ساتھی بھی تھانے پہنچے تھے۔
پولیس حکام کا کہنا ہے کہ خواجہ سراؤں نے تھانے کے سامنے روڈ بلاک کرکے گیٹ اکھاڑنے کی کوشش کی۔
تفتیشی حکام کا کہنا ہے کہ خواجہ سراؤں نے کانسٹیبل کے کپڑے پھاڑے اور اہلکاروں کو دھمکیاں دیں، مزید 13 خواجہ سراؤں کو بھی گرفتار کرکے مقدمہ درج کرلیا گیا ہے۔
