اسلام آباد : الیکشن کمیشن آف پاکستان نے میئر اسلام آباد کی نشست پر ضمنی انتخاب کیلئے شیڈول جاری کردیا، پولنگ 28 دسمبر کو ہوگی۔
اس حوالے سے الیکشن کمیشن آف پاکستان نے اپنے شیڈول میں بتایا ہے کہ میئر اسلام آباد کی خالی نشست کیلئے پولنگ 28 دسمبر کو ہوگی۔
ڈسٹرکٹ الیکشن کمشنر اسلام آباد کو آراو اور ریجنل الیکشن کمشنر ڈی آر او مقرر کردیا، اس کے علاوہ ڈسٹرکٹ اینڈ سیشن جج اسلام آباد غربی ایپلٹ اتھارٹی تعینات کیے گئے ہیں۔
الیکشن کمیشن کے مطابق کاغذات نامزدگی کیلئے پبلک نوٹس9 دسمبر کو جاری کئے جائیں گے، امیدوار11دسمبر کو کاغذات نامزدگی حاصل کرسکیں گے۔
کاغذات نامزدگی پر اعتراضات 14 دسمبر تک جمع کرائےجا سکیں گے جبکہ کاغذات کی جانچ پڑتال 16دسمبر کوہو گی اور اپیلیں17دسمبر کو دائر کی جاسکیں گی۔
الیکشن کمیشن کے مطابق امید واروں کی جانب سے جمع کرائے گئے کاغذات نامزدگی21دسمبر کو واپس لئے جاسکیں گے جبکہ انتخابی نشانات22دسمبرکو جاری کئے جائیں گے۔