اسلام آباد: وفاقی پولیس نے دارالحکومت میں دفعہ 144 کی خلاف ورزی پر متعدد افراد کو گرفتار کرلیا ہے۔
ترجمان اسلام آباد پولیس کی جانب سے جاری بیان میں بتایا گیا کہ وفاقی دارالحکومت میں دفعہ 144 کی خلاف ورزی پر قانونی کارروائی عمل میں لائی گئی اس دوران 38 افراد کو گرفتار کیا گیا۔
یہ بھی پڑھیں: عمران خان کی 7 مقدمات میں حفاظتی ضمانت منظور
ترجمان نے بتایا کہ اسلام آباد ہائی کورٹ میں پیشی کے موقع پر عمران خان کی عدالتی اجازت کی حامل گاڑیاں حفاظتی حصارمیں تھیں،سیاسی رہنماؤں کی کسی گاڑی کو نقصان پہنچنےکی اطلاع نہیں ہے۔
ترجمان اسلام آباد پولیس کا کہنا تھا کہ قانون سب کےل یےبرابرہے کسی کو دوسرے پرفوقیت نہیں،قانونی کی برابری کی سطح پرعملداری کویقینی بنایاجائےگا۔
ترجمان اسلام آباد کیپیٹل پولیس ۔
دفعہ 144 کی خلاف ورزی اور دیگر مقدمات میں 38 افراد کو گرفتار کیا گیا ہے ۔
دفعہ 144 کی خلاف ورزی کرنے پر قانونی کارروائی عمل میں لائی جارہی ہے ۔
عمران خان کی عدالتی اجازت کی حامل دونوں گاڑیاں حفاظتی حصار میں تھیں انہیں کوئی نقصان نہیں پہنچا۔⏬
— Islamabad Police (@ICT_Police) March 27, 2023
واضح رہے کہ اسلام آباد ہائیکورٹ میں پی ٹی آئی چیئرمین کی مختلف مقدمات میں ضمانتوں کی درخواستوں کی سماعت ہوئی تھی۔
چیف جسٹس اسلام آباد ہائی کورٹ کی سربراہی میں دو رکنی بینچ نے سماعت کی، اس موقع پر عمران خان خود ذاتی حیثیت میں پیش ہوئے تھے۔
عدالت نے ایڈووکیٹ جنرل اسلام آباد اور عمران خان کے وکیل کے دلائل سننے کے بعد عمران خان کی 7 مختلف مقدمات میں حفاظتی ضمانتیں منظور کی تھی۔