اسلام آباد : پاکستان سے مدینہ جانے والے مسافروں کیلئے اچھی خبر آگئی، نجی شعبے میں آپریٹ ہونے والی سرین ایئر کی جانب سےکل 16نومبر کو مدینہ کیلئے براہ راست فلائٹ آپریشن کا آغازکردیا جائے گا۔
سرین ایئر کی پہلی پرواز ای آر1805 تقریباً 300 مسافروں کو لے کر مدینہ کیلئے اڑان بھرے گی، سرین ایئرلائن اسلام آباد سے مدینہ کیلئے ہفتہ وار 2پروازیں آپریٹ کرے گی۔
سرین ایئر لائن کے سی ای او ایئر وائس مارشل (ریٹائرڈ) صفدر ملک نے اے آروائی نیوز کو بتایا کہ سرین ایئر مدینہ کی پروازوں کیلئے جدید ایئر بس اے 330طیارے استعمال کرے گی۔
اس کے علاوہ سرین ایئر لاہور اور کراچی سے بھی مدینہ کیلئے پروازوں کی منصوبہ بندی کررہی ہے ،سرین ایئر جدہ او ریاض کے بعد مدینہ کیلئے فلائٹ آپریشن کرنے سے مسافروں کو سفری سہولت میسر ہوگی۔
مزید پڑھیں : پی آئی اے کی ترکی کیلیے پروازوں کا آغاز
واضح رہے کہ سرین ایئر لائن کی سعودی عرب کے شہر جدہ کیلئے11،ریاض کیلئے 6پروازیں ہفتہ وار آپریٹ ہورہی ہیں، مجموعی طور پر 17پروازیں آپریٹ کی جارہی ہیں۔
