پی ایس ایل 9 کی چمچماتی ٹرافی اسلام آباد یونائیٹڈ نے اپنے نام کرلی، لگاتار چوتھا فائنل کھیلنے والی ملتان کی ٹیم ایک بار پھر خالی ہاتھ رہ گئی۔
تفصیلات کے مطابق پی ایس ایل کے ایک اور نہایت سنسنی خیز فائنل میں شائقین کو اسلام آباد یونائیٹڈ اور ملتان سلطان کے درمیان تگڑا مقابلہ دیکھنے کو ملا۔ تاہم عماد وسیم کی آل راؤنڈ پرفارمنس کے باعث اسلام آباد کی ٹیم نے پی ایس ایل کی دلکش ٹرافی اپنے نام کرلی۔
اسلام آباد یونائیٹڈ کی ٹیم نے تیسری بار پی ایس ایل چیمپئن بننے کا اعزاز حاصل کیا جبکہ ملتان سلطانز مسلسل تیسرا فائنل جیتنے میں ناکام رہی۔
شاداب خان کی قیادت میں اسلام آباد نے پہلی بارٹرافی اپنے نام کی جبکہ فاتح سائیڈ تین بار پی ایس ایل ٹائٹل جیتنے والی پہلی ٹیم بھی بن گئی۔
View this post on Instagram
سنسنی خیز فائنل میں اسلام آباد یونائیٹڈ نے 160 رنز کا ہدف آخری گیند پرحاصل کیا، مارٹن گپٹل نے نصف سنچری اسکور کی جبکہ اعظم خان 30 رنز بناکر نمایاں رہے۔
عماد وسیم نے ناقابل شکست 19 رنز بنائے، نسیم شاہ نے 17 رنزبنا کراسلام آباد کی جیت میں اہم کردار ادا کیا۔ حنین شاہ نے فائنل کی آخری گیند پروننگ شاٹ لگایا
نیشنل اسٹیڈیم کراچی میں اسلام آباد کی جیت کے بعد جذباتی مناظر بھی دیکھنے میں آئے، حنین شاہ وننگ شاٹ لگا کر آبدیدہ ہوگئے۔ فتح کے بعد اسلام آباد یونائیٹڈ کے کھلاڑیوں نے میدان میں سجدہ کیا۔
اس سے قبل پی ایس ایل 9 کے فائنل میچ میں ملتان سلطانز نے اسلام آباد یونائیٹڈ کو جیت کے لیے 160 رنز کا ہدف دیا۔
کراچی کے نیشنل اسٹیڈیم میں کھیلے جارہے میچ میں ملتان سلطانز نے مقررہ اوورز میں 9 وکٹوں کے نقصان پر 159 رنز بنائے اور اسلام آباد یونائیٹڈ کو جیت کے لیے 160 رنز کا ہدف دیا۔
عثمان خان 57 رنز بنا کر نمایاں رہے، کپتان محمد رضوان 26 رنز بنا کر آؤٹ ہوئے، افتخار احمد نے 20 گیندوں پر 32 رنز کی اننگز کھیلی، ان کی اننگز میں تین چھکے اور تین چوکے شامل تھے۔
View this post on Instagram
یاسر خان 6 رنز بنا کر پویلین لوٹ گئے، ڈیود ولی 6 رنز بنا کر عماد وسیم کا نشانہ بنے، جانسن چارلس 4 رنز بنا کر چلے بنے، خوشدل شاہ 11 رنز بنا کر مارٹن گپٹل کو کیچ دے بیٹھے۔
View this post on Instagram
کرس جارڈن بغیر کوئی رن بنائے آؤٹ ہوئے، اسامہ میر 6 رنز بنا سکے۔
View this post on Instagram
اسلام آباد یونائیٹڈ کی جانب سے عماد وسیم نے پانچ کھلاڑیوں کو پویلین کی راہ دکھائی، وہ پی ایس ایل فائنل میں پانچ وکٹیں حاصل کرنے والے پہلے کھلاڑی بن گئے۔
View this post on Instagram
کپتان شاداب خان نے تین وکٹیں حاصل کیں۔
اس سے قبل ملتان سلطانز کے کپتان محمد رضوان نے ٹاس جیت کر شاداب خان الیون کو پہلے بولنگ کی دعوت دی تھی۔
محمد رضوان کا کہنا تھا کہ ٹیم میں کوئی تبدیلی نہیں کی گئی ہے۔
اسلام آباد یونائیٹڈ کی ٹیم میں کولن منرو اور ٹائمل ملز کی واپسی ہوئی ہے۔
View this post on Instagram
