The news is by your side.

Advertisement

’’اسلامی انقلاب ایک نعمت ہے‘‘

لاہور: قونصل جنرل ایران محمد رضا ناظری کا کہنا ہے کہ اسلامی انقلاب دنیا کی نعمتوں میں سے ہے۔

اے آر وائی نیوز کے مطابق ایران میں انقلاب اسلامی کی41ویں سالگرہ سے متعلق ایک تقریب منعقد ہوئی، لاہور کے ایرانی قونصلیٹ میں منعقدہ تقریب میں مختلف سیاسی، مذہبی اور کاروباری شخصیات نے شرکت کی۔

اس موقع پر قونصل جنرل ایران محمد رضا ناظری کا تقریب سے خطاب کرتے ہوئے کہنا تھا کہ اسلامی انقلاب دنیا کی نعمتوں میں سے ہے۔ امریکا اور اسرائیل کی حکومت کا اسلامی جمہوریہ ایران نے مقابلہ کیا۔

انہوں نے کہا کہ اسلامی انقلاب کے بعد ایران میں ترقی کی رفتار تیز ہوئی، سربراہ القدس بریگیڈ قاسم سلیمانی کی شہادت امریکی سازش تھی، جس کی جتنی مذمت کی جائے کم ہے۔

قاسم سلیمانی کی ہلاکت کے بعد ایران امریکا سے کیا چاہتا ہے؟

خیال رہے کہ ایرانی جنرل قاسم سلیمانی امریکی فضائی حملے میں مارے گئے تھے، اس حملے کے بعد دونوں ممالک کے درمیان شدید اختلافات اور کشیدگی سامنے آئی۔ انتقامی کارروائی کے طور پر ایران نے عراق میں قائم امریکی فوجی اڈوں پر کئی میزائل بھی داغے۔

fb-share-icon0
Tweet 20

Comments

comments

یہ بھی پڑھیں