کراچی : وزیر جامعات سندھ اسماعیل راہو کا کہنا ہے کہ آصف زرداری نے عمران خان کو اچھا سبق سکھایا کہ جو بَوگَے وہی کاٹَو گَے۔
تفصیلات کے مطابق وزیر جامعات سندھ اسماعیل راہو نے حمزہ شہباز کے وزیراعلیٰ منتخب ہونے پر سماجی رابطے کی ویب سائٹ ٹوئٹر پر اپنے بیان میں کہا کہ آصف زرداری نے بڑا معرکہ فتح کیا ہے، جو کسی معجزے سے کم نہیں، خان کو اپنے ہی کھودے ہوے کھڈے میں منہ کے بل گرا کر اس کو سبق سکھایا ہے کہ ” بیٹا جو بَوگَے وہی کاٹَو گَے۔
آصف علی زرداری نے آج بڑا معرکہ فتح کیا ہے جو کسی معجزے سے کم نہیں، جو آئین اور عدالت کے فیصلے کے مطابق ہے۔ خان کو اپنے ہی کھودے ہوے کھڈے میں منہ کے بل گرا کر اس کو سبق سکھایا ہے کہ ” بیٹا جو بَوگَے وہی کاٹَو گَے “
— M. Ismail Rahoo (@MIsmailRahoo) July 22, 2022
اسماعیل راہو کا کہنا تھا کہ عمران خان نےکبھی دستور،آئین اورعدالتی فیصلوں کی عزت نہیں کی، عمران خان نے ہر ناجائز فیصلے کو بھی اپنے لئے جائز سمجھا ہے۔
عمران خان نے کبھی دستور,آئین اور عدالتی فیصلوں کی عزت نہیں کی,اس نے اپنے فائدے کے ناجائز فیصلے کو بھی جائز اور اپنے خلاف حقی فیصلوں کو بھی ناحق سمجھتا آیا ہے۔
— M. Ismail Rahoo (@MIsmailRahoo) July 22, 2022
خیال رہے کہ گزشتہ روز پنجاب اسمبلی میں وزیر اعلیٰ کے انتخاب میں زرداری کی چوہدری شجاعت سے ملاقاتوں سے صورتحال تبدیل ہوگئی تھی۔
وزیر اعلیٰ کے انتخاب کیلئے ووٹنگ ہوئی ، ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔