The news is by your side.

Advertisement

آئی ایس او15: ایپل نے نیا فیچر متعارف کرادیا

سلیکان و یلی : امریکی ٹیکنالوجی کمپنی ایپل نے حال ہی میں آئی ایس او15 میں فوکس موڈ کے نام سے ایک نیا فیچر متعارف کروایا ہے۔

اس فیچر میں ڈو ناٹ ڈسٹرب موڈ کو زیادہ فعال اور بہتر بنایا ہے۔ درحقیقت ایپل نے پرانے “ڈی این ڈی” موڈ کو مزید بہتر بناتے ہوئے کچھ نئے فیچر شامل کیے ہیں جس میں کالز اور پیغامات کے لیے فلٹر کی تخلیق اور آپ کی عدم دستیابی کی صورت میں خود کار اور متعدد کسٹومائزیشن کے ساتھ آٹو ریپلائی کا فیچر بھی شامل ہے۔

فوکس موڈ میں استمال کنندگان کو زیادہ سہولیات دی گئی ہے تاکہ وہ زیادہ آسانی اور سہولت سے اپنے’ ڈو ناٹ ڈسٹرب ‘ موڈ کو ترتیب دے سکیں۔

فوکس موڈ میں استمال کنندگان ایپل مصنوعات میں زیادہ آسانی اور سہولت سے اپنے’ ڈو ناٹ ڈسٹرب ‘ موڈ کو ترتیب دے سکتے ہیں۔(فوٹو: انٹرنیٹ)

دلچسپ بات تو یہ ہے کہ فوکس موڈ ایپل میک، ایپل گھڑی اور آئی پیڈ پر بھی یکساں کام کرے گا، آئیے دیکھتے ہیں کہ فوکس موڈ کس طرح کام کرتا ہے اور اسے کس طرح ترتیب دینا ہے۔

آئی او ایس 15میں فوکس موڈ کو کیسے ترتیب دیا جائے ؟

سب سے پہلے اپنے آئی فون یا آئی پیڈ میں آئی او ایس 15 اپ ڈیٹ کو یقینی بنائیں، پھر ’سیٹنگز ایپ‘ میں جا کر ’ “فوکس” آپشن منتخب کریں۔ یہاں آپ کو پہلے سے موجود کچھ آپشن دکھائی دیں گے۔

جن میں ڈو ناٹ ڈسٹرب، ڈرائیونگ، سلیپ اور ورک شامل ہیں۔ ان آپشنز کے ساتھ ہی سیدھی طرف ’+‘ بٹن دکھائی دے گا۔ ’+‘ بٹن پر ٹچ کرکے آپ کسٹم ( اپنی مرضی کے مطابق) فوکس موڈ تخلیق کرسکتے ہیں۔

اس کے بعد “شیئر آکروس ڈیوائسز” کا آپشن تلاش کرنا ہوگا جو کہ اس کے نیچے ہی موجود ہے، جس میں آپ کو “فوکس اسٹیٹس” اور “فون کالز” کے آپشن دکھائی دیں گے، جن کے ذریعے اس بات کا تعین کرسکتے ہیں کہ کس ایپلی کیشن کو فوکس موڈ تک رسائی دینی چاہیئے اور فوکس موڈ فعال ہوتے ہوئے کالز کو کس طرح مینیج کرنا ہے۔

+‘ بٹن پر ٹیپ کر کے آپ فٹنیس، گیمنگ، مائند فُلنیس اور ریڈنگ کے آپشن دیکھ سکتے ہیں۔ یہاں سے آپ انہیں فوکس موڈ فہرست میں شامل کرکے کسٹومائز کر سکتے ہیں۔

کسٹم فوکس موڈ تخلیق کرنا

کسٹم فوکس موڈ تخلیق کرنے کے لیے “پلس” بٹن ٹیپ کرکے کسٹم کو منتخب کریں۔ اس کے بعد اسے کوئی نام دے کر رنگ اور آئی کون منتخب کریں۔ اس کے بعد آپ کو اپنی فون بک میں موجود ان افراد کو منتخب کرنا ہے، جنہیں آپ چاہتے ہوں کہ وہ فوکس موڈ آن ہوتے ہوئے بھی آپ کے نوٹیفیکیشن موصول کرسکیں۔

“کالز فرام” کا آپشن منتخب کریں اور دیے گئے آپشنز ایوری ون، نو ون، فیوریٹس اور آ ل کانٹیکس میں سے کسی ایک کو منتخب کریں۔ اور پھر “الاؤ” بٹن پر ٹیپ کردیں اور اگر آپ کسی کو “الاؤ” نہیں کرنا چاہتے تو پھر “الاؤ ناؤ” بٹن پر ٹیپ کردیں۔

اگلے مرحلے میں آپ کو اس ایپ کو منتخب کرنے کی ضرورت ہے، جسے آپ نوٹی فیکیشن ظاہر کرنے کی اجازت دینا چاہتے ہیں۔ دی گئی فہرست سے ایپس کو ایڈ کرنے کے لیے ’+‘ بٹن پر ٹیپ کریں، آپ “ٹائم سین سیٹیو” آپشن کو فعال کرکے “الاؤ” بٹن پر ٹیپ کر سکتے ہیں۔

کانٹیکٹ نوٹی فیکیشن کی طرح یہاں بھی آپ کسی بھی ایپ کو نوٹی فکیشن “الاؤ” نہ کرنے کا آپشن منتخب کر سکتے ہیں۔ ایک بار یہ سیٹنگز مکمل کرنے کے بعد آپ کا فوکس موڈ تیار ہوجائے گا۔

Comments

یہ بھی پڑھیں