فیصل آباد : خودکشی کرنے والے تاجرکے ملازم حارث کے چچا نے سارا ماجرا بیان کردیا اور حارث کی خودکشی کو بڑا دردناک واقعہ قرار دیا۔
تفصیلات کے مطابق فیصل آباد میں لین دین کےمسئلے پرسوترمنڈی کے تاجرکے ملازم حارث کی خودکشی کے واقعے کی تحقیقات جاری ہے۔
متوفی شخص کے چچا شیخ خالد نے اے آر وائی نیوز سے گفتگو میں بتایا کہ حارث کی خودکشی بڑادردناک واقعہ ہے، گھراجڑگیا، حارث خاندان کاواحدکفیل تھا،والدہ کی دوا لینے کیلئے پیسے نہ تھے۔
چچا کا کہنا تھا کہ حارث کا مالک معظم علی4ماہ سےتنخواہ نہیں دےرہاتھا، اس نے معظم کےپاس رشتےداروں کی سرمایہ کاری کرائی تھی اور معظم علی کاروبارمیں لگائی گئی رقم بھی واپس نہیں کررہا تھا۔
شیخ خالد نے کہا کہ حارث کی والدہ نےچندروزقبل تاجرمعظم کوگھربلاکررقم کاتقاضاکیاتھا، والدہ نےبتایاکہ رقم واپس نہ کرنےسےبیٹیاں گھرآکر بیٹھ گئی ہیں، لیکن معظم نےکوئی بات نہ سنی اورنہ ہی چھوٹےبچوں کاخیال کیا۔
متوفی کے چچا نے مطالبہ کیا کہ وزیراعلیٰ مریم نوازاس طرح لوگوں کی جان لینےوالوں کوعبرتناک سزادیں، حارث کی موت کاسبب بننے والے تاجروں معظم اور طیب کو گرفتار کیا جائے۔
دوسری جانب غلام محمدآبادکےبڑےقبرستان میں حارث کی نمازجنازہ کےبعدتدفیق کردی گئی ہیں ، حارث کے پسماندگان میں بیوہ،17سالہ بیٹا اور 2 بیٹیاں شامل ہیں۔
یاد رہے گذشتہ روز فیصل آباد کے علاقے راجے والا کے رہائشی حارث نےزہریلی شہ کھاکرزندگی کاخاتمہ کرلیا تھا،3بچوں کےباپ47 سالہ حارث کی لاش چنیوٹ بازار کے ہوٹل سے ملی۔
خاندانی ذرائع کا کہنا تھا کہ حارث اقبال دھاگےکےتاجروں علی اورطیب کےپاس ملازم تھا، اس نے اپنی ضمانت پر مالکان کوکروڑوں روپےکادھاگہ لے کر دیاتھا لیکن علی اورطیب دھاگہ دینےوالی پارٹیوں کوادائیگی نہیں کر رہے تھے۔
حارث پیر کے روز گھر سے سوترمنڈی گیا پھر واپس نہیں پہنچا اور منگل کوپولیس نے ہوٹل کے کمرے سے لاش ملنے کی اطلاع دی۔
