دبئی : متحدہ عرب امارات میں شبِ معراج کے موقع پر وزارتِ انسانی وسائل نے 14 اپریل کوعام تعطیل کا اعلان کردیا ہے، اس دوران سرکاری و نجی دفاترسمیت تعلیمی ادارے بھی بند رہیں گے۔
متحدہ عرب امارات کی وزارت برائے انسانی وسائل کی جانب سے جاری نوٹی فکیشن کے مطابق ہفتے کے روز 14 اپریل کو شب میراج کی مناسبت سے ملک بھر میں تعطیل ہوگی جس دوران نجی و سرکاری دفاتر اور تعلیمی ادارے بند رہیں گے۔
وفاقی حکومت اور وزارت برائے انسانی وسائل کی جانب سے متحدہ عرب امارات کے صدر شیخ زاید النہیان اور وزیر شیخ راشد المکتوم کو تجویز بھیجوائی گئی تھی، جس کی منظوری کے بعد نوٹیفیکیشن جاری کیا گیا ہے۔ جاری نوٹیفیکشن کے مطابق یو اے ائ میں 15 اپریل بروز اتوار کو دوبارہ کام شروع کیا جائے گا۔
متحدہ عرب امارات میں شب معراج پر تعطیل کا فیصلہ انسانی وسائل کے قانون کے آرٹیکل 100 کے ریشولوشن نمبر 13 اور 11 میں ترمیم کے بعد کیا گیا ہے۔
شب معراج کے پر مسرت موقع پر متحدہ عرب امارات کے صدر شیخ خلیفہ بن زید النہیان، وزیر اعظم شیخ محمد بن راشد المکتوم اور یو اے ای کی مسلح افواج کے نائب کمانڈر شیخ محمد بن زید النہیان نے عرب ممالک سمیت دنیا بھر میں بسنے والے مسلمانوں کو مبارک باد پیش کرتے ہوئے نیک تمناؤں کا اظہار کیا ہے۔
یاد رہے کہ شب معراج کی رات میں حضرت محمد مصطفیٰ (صلی اللہ علیہ وآلہ وسلم) اللہ کے حکم سے بُراق کے ذریعے مکہ سے یروشلم گئے اور اس کے بعد (آپ صلی اللہ علیہ وآلہ وسلم) آسمانوں پر روانہ ہوئے اور خدا سے ملاقات کے بعد زمین پر واپس لوٹ آئے تھے۔ دنیا بھر کے مسلمان اس مبارک رات کو شب معراج کے عنوان سے مناتےہیں اور رات بھر عبادات و دعاؤں میں گزارتے ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔
