غزہ: عالمی عدالت انصاف کے عبوری فیصلے کے باوجود اسرائیل نے غزہ میں بمباری تیز کر دی ہے۔
الجزیرہ کے مطابق عالمی عدالت انصاف نے اسرائیل کو غزہ میں نسل کشی کی کارروائیاں روکنے کے لیے اقدامات کرنے کا حکم دے دیا ہے، تاہم صہیونی ریاست نے اس کے برخلاف غزہ پر بمباری اور تیز کر دی ہے۔
اپنے انتہائی متوقع عبوری فیصلے میں عدالت نے یہ بھی کہا کہ اسے اسرائیل کے خلاف جنوبی افریقہ کے دائرہ کردہ نسل کشی کے مقدمے میں فیصلہ کرنے کا دائرہ اختیار حاصل ہے، تاہم عدالت نے اپنے فیصلے میں اسرائیل سے فوری جنگ بندی کا مطالبہ نہیں کیا۔
ادھر غزہ کی وزارت صحت کا کہنا ہے کہ گزشتہ 24 گھنٹوں کے دوران محصور علاقے میں 174 فلسطینی شہید اور 310 زخمی ہوئے ہیں، جنوبی غزہ میں اسپتالوں پر حملے جاری ہیں، خان یونس میں ناصر اسپتال مکمل طور پر بجلی سے محروم ہے، جب کہ رفح میں ایک رہائشی مکان پر حملے میں 3 فلسطینی شہید ہو گئے۔
ویڈیو: فلسطینیوں کی نسل کشی اور ہولوکاسٹ، اسکائی نیوز کو معافی مانگنی پڑ گئی
7 اکتوبر سے غزہ پر اسرائیلی حملوں میں کم از کم 26,257 فلسطینی شہید اور 64,797 زخمی ہو چکے ہیں۔
