حماس کی حمایت کرنے کے باعث اسرائیلی اداکارہ مائیسہ عبدالہادی کو حراست میں لے لیا گیا
غیر ملکی ذرائع ابلاغ کے مطابق سوشل میڈیا پر کی گئی پوسٹ میں اسرائیلی اداکارہ مائیسہ عبدالہادی نے 7 اکتوبر کو اسرائیل پر حماس کے اچانک حملے کی حمایت کی تھی۔
مائیسہ عبدالہادی کی سوشل میڈیا پوسٹ سامنے آنے کے بعد اسرائیلی پولیس کی جانب سے انہیں حراست میں لے لیا گیا ہے، اسرائیلی پولیس نے اداکارہ کا نام لیے بغیر اپنے بیان میں کہا کہ انہوں نے حماس کی حمایت کرنے والی اداکارہ کو حراست میں لے لیا ہے۔
اسرائیلی پولیس کے جاری کردہ بیان میں کہا گیا ہے کہ دہشت گردی کو اکسانے اور حمایت کرنے کے خلاف پولیس کی جنگ ہمہ وقت جاری رہتی ہے۔
مائیسہ پر ایک اسرائیلی اداکار کی جانب سے شدید تنقید کرتے ہوئے کہا گیا کہ آپ کی پوسٹ کی وجہ سے ہمیں شرمندگی ہو رہی ہے، آپ نے ہماری پیٹھ میں چھرا گھونپا ہے۔