کراچی: 42 ارب روپے لاگت سے کراچی میں آئی ٹی پارک کا منصوبہ شروع ہو گیا۔
تفصیلات کے مطابق وزارت انفارمیشن ٹیکنالوجی اینڈ ٹیلی کمیونیکیشن کے تحت ڈیجیٹل کراچی کے اہم منصوبے ’آئی ٹی پارک‘ کا سنگ بنیاد وفاقی وزیر سید امین الحق نے رکھ دیا۔
وزارت آئی ٹی کی جانب سے یہ شہر کے لیے ایک بڑا تحفہ ہے، اسٹیٹ آف دی آرٹ منصوبے پر تقریباً 42 ارب روپے لاگت آئے گی، اور یہ جون 2026 میں مکمل ہوگا۔
سید امین الحق نے منصوبے کے بارے میں بتایا کہ لاگت کی رقم میں سے 35 ارب روپے کوریا کے ایگزم بینک اور 7 ارب روپے پی ایس ڈی پی (محکمہ پلاننگ اینڈ ڈویلپمنٹ) سے آئیں گے۔
Join us Live (Shortly on Facebook/Youtube) – on the Ground Breaking Ceremony of IT Park Karachi
State of the Art IT Park spanning over 6 acres is being constructed with the cost of 42 Billion Rupees in Karachi. #DigitalKarachi #PMVision #AminUlHaque #MOITT pic.twitter.com/SGDGYhKoPa
— Ministry of IT & Telecom (@MoitOfficial) November 7, 2022
انھوں نے بتایا کہ اس 11 منزلہ عمارت میں 8 بالائی اور 3 زیریں منازل تعمیر ہوں گی، عمارت میں ملکی و بین الاقوامی آئی ٹی کمپنیوں کے دفاتر ہوں گے، اور اس سے 20 ہزار آسامیاں پیدا ہوں گی۔
امین الحق نے کہا ’’آئی ٹی پارک کراچی کو ڈیجیٹل گیٹ وے بنانے اور ملکی معیشت میں اہم کردار ادا کرے گا۔‘‘
کراچی ایئر پورٹ کے نزدیک واقع سائٹ پر منعقدہ تقریب میں غیر ملکی قونصل جنرلز، اور سیاسی و سماجی شخصیات نے شرکت کی۔
