The news is by your side.

Advertisement

ہوائی جہاز میں‌ دوران سفر کھڑے ہونا ممکن

روم: اٹلی کی کمپنی نے ہوائی جہازوں کے لیے ایسی نشستیں تیار کرلیں کہ اگر دورانِ سفر مسافر چاہیے تو ان پر آرام سے کھڑے بھی ہوسکتے ہیں۔

جہاز کے اڑان بھرنے سے قبل انتظامیہ کی جانب سے مسافروں کو متنبہ کرتے ہوئے اعلان کیا جاتا ہے کہ اب جہاز چونکہ اڑنے والا ہے لہذا تمام لوگ اپنی نشتوں پر آرام سے بیٹھیں اور سیٹ حفاظتی سیٹ بیلٹ باندھ لیں۔

ہوائی جہاز کے سفر میں کھڑے ہونے کا خیال ناممکن بات ہے مگر اب اطالوی کمپنی نے اس کو ممکن بنادیا، کمپنی نے ایسی سیٹیں تیار کی ہیں جن میں مسافر اگر چاہیں تو کھڑے ہوکر بھی آرام سے سفر کرسکتے ہیں۔

کمپنی کی جانب سے تیار کردہ ان نشتوں کو اسکائی رائیڈر کا نام دیا گیا ہے، ان سیٹوں کا وزن دیگر کے مقابلے میں آدھا ہے جبکہ صفائی ستھرائی کے اخراجات بھی کم ہیں۔

مزید پڑھیں: دنیا کے سب سے بڑے ہوائی جہاز کی کامیاب پرواز

کمپنی کا دعویٰ ہے کہ اکانومی کلاس کے لیے تیار کی جانے والی یہ سیٹیں ماضی کی نشتوں کے مقابلے میں نہ صرف آرام دہ بلکہ پرسکون بھی ہیں اور یہ جگہ بھی کم گھیرتی ہیں۔

اطالوی کمپنی کے مالک کا کہنا ہے کہ انہوں نے یہ سیٹیں سن 2010 میں ہونے والے سروے کی بنیاد پر بنائیں جس میں بتایا گیا تھا کہ ایک لاکھ 20 ہزار سے زائد مسافروں نے سفر کے دوران اونچی نشتوں پر بیٹھنے کو ترجیح دی جبکہ 80 ہزار کے قریب لوگوں نے اس خواہش کا اظہار کیا کہ اگر انہیں کھڑے ہونے والی نشست مل جائے تو سفر کا مزہ دوبالا ہوجائے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں